لي صاحب في جو غسلة محله=بين الجزيع وبين خشم الطريف
عيني جزاها النوم دمعي تهله=اسهر طوال الليل دمعي ذريف
على وليف حط بالقلب علة=توه صغير السن ماله وصيف
ادعج غنج غرو مليح وكله=كله دلال وبالمداعب لطيف
حبه غشى قلبي وتله وسله=طفل الجوازي هزعته كالعسيف
ليمن مشى بالسوق كل يخله=ويخلف قلوب بالهوى تستهيف
لا يا بعد من زارت الشمس ظله=يفداك قلب في هواكم عطيف
يا الله بنو صادقات حقوقه=يسقي وطن مدعوج الاعيان بالخير
من مزنة يشعل ضياها بروقة=يرزم رعدها بالفرح والتباشير
عشرين ليلة والمخايل تسوقه=غربية صوب الديار المناوير
من شان خل وافيات سبوقه=غرو غرير نور القلب تنوير
فيه الشعر يعجز وتقصر طروقه=عن وصف ظبي له محل وتقدير
وصفه حسين والنواظر تشوقه=عمهوجة مدعوجة فالها الخير
له مسكن في داخل القلب موقه=قصر عظيم شيدته المحادير
ساسه قوي زايدات عروقه=ما ينهدم مبناه لو به مخاسير