شاعر من أهالي البديع
أ
الله اليوم لا يسقيك يا ابرق نثيل =ليت ربي عصمني ما اتغسل بماه
شوف عيني با هلها يوم دنا الرحيل =حزن قلب الخطا ما زاده الا عناه
حملوني بني مجهول حمل ثقيل =لبسوني ثويب الغي لبس العباة
يا مضحي علام الدمع مني هميل =مثل غرب على المرجاع لا صب ماه
يا وجودي على المجمول وجد طويل =وجد من قل ماله وشمتوا به عداه
اه من مز ريقه مز راعي السبيل =يوم يكويه بالجمرة و(يبرد)حشاه
يا الله اني طلبتك ما طلبت البخيل =ما طلبت البخيل اللي قليل عطاه
شاعر دوسري
أ
أمس الضحى عديت في راس متعل=رجم رفيع يبرح الخد مرقابه
ساعة رقيته وازرق الدمع ينهل=والقلب كنه مشمرخ الزرب يلوى به
يا عنبر يجلب ولا به ثمن خلي=ويسام بالفين ولا باع جلابه
واظن جلابه يدور عذاب لي =ما دبر الوالي على العبد يرضى به
رجل من عتيبة
س
سرينا وذا الرجل ملت =والعين جاها عناها
نشت مزنة واستهلت =على النير ضافي حياها
وهذي الخباري تملت=والاشجار ما احد رعاها
غنم جاركم وين فلت=وهذا الحيا من قفاها
عليها سباع تدلت =وانا بالتفق من وراها
سامرية جنوبية
ع
عديت رجم تهيبه المواحش=ابغي الشلا واثر مشرافه براني
ابو عيون هدبهن صفة الريش=وزميمه تحت حجر العين بان
احسب حب المودة ما يسويش=واثره هيام على طول الزمان
ياشربة ذقتناها من المباهيش=شربة شوي قراح ما هناني
تغانموني ترى ما عاد منيش=والحال مني صخيف ما يداني
خلي سقاني من الغر المباهيش=واخضع على يوم شاف الموت جاني
يا بنت من حط نجره للمداغيش=ويذبح الحيل في عسر وليان
دم السواني تصب الما على الحيش=حلفت ما انساك يا جالي الثمان
شاعر من أهالي البديع
ي
يا بن سالم ترى قلبي عليكم حزين =والسبب صاحبي زعل ولا ارضيتناه
صاحبي ينقش الحنا بكف حسين =مثل نقش المطوع بالقلم والدواة
بو نهيد صغير ما لهجه الجنين =مثل بيض القميري لا جي في حشاه
صاحبي غصن موز والهوى به يلين =ليت من هو بعالي الغصن يقطف جناه
صاحبي يحسب اني عنه ادور حتين =حالف ما نوى قلبي ولا اطريتناه
في ضحى العيد عدوني مع الميتين=مثل بعض الضحايا قدمت للذكاة
يا هل الغي حياكم نجر الونين =ونتشاكى جميع لا سقى الله الحياة
اه من ونة تودع ضلوعي طحين =ما يجبرضلوعي كود والي سماه
طير ياللي ترفرف فوق دار الخدين =خبر امي ترى المجمول حصلتناه
شعر إمرأة نجدية
ي
يا جر قلبي من علاوية ينجر =ودموع عيني سيلت كل وادي
على عشير يمة الشرق حدر =يا ناس .. حبه بالغ في فؤادي
يا ليت من رادفه يوم ثور =ولوى على كفه عنان الجواد
واللي تحتنا حرة ذيلها اشقر =من زين ممشاها تفوج الريادي
وجدايله على العوانق تنشر =ومعلق صنع الكفر بالشداد
ماريته بيته على الحزم ينشر =تبنيه عبدانه بروس البيادي
ونجره الى جوه المسايير يسهر=كنه على راس المنارة ينادي
وعبد يدق الهيل والبن الاشقر =ويذعرون دلالهم بالزباد
وعبد يقلطهم وعبد يوخر =وعبد على تالي شحمهم ينادي
سامري حوطي ردادي لأحد شعراء نجد
ي
يا الله وانا طالبك مزن يهل=برق سمر في رعوده
عليك يا لابس ضفيرات خلي=بيض الحمايم نهوده
احب النخل حيث النخل مدهل لي=حيث انه خلي يروده
صبرت انا واثر الصبر مهنة لي=صبري تعدى حدوده
يا غزيل يا اللي مرقده ما يمل=مقيل في نفوده
يا بو ضفيرات الذهب ومتحل=نقش القوافي خدوده
دوسرية يدخل فيها الزار
ي
يا الله اليوم يا رواف=يا ابا الافراج عاوني
خوفوني وانا ما اخاف=واحسب الضلع يزيني
هيه يا لايم الميلاف=ما تشوف الجمل حن
ليت لي بكرة ميلاف=واحتلبها عن المن
الحذايا غدن رهاف=والحفا يرعب الجني
يحسبني عمي ما اشوف=يتقي بالنخل عني
لابس ثوبه الرفراف=واراديف يهبلني
قصيدة الجن
ي
يا قارع الدمام سم واقرعه=واعطيك عذقين ليالي الصرام
سقوى سقى الله وادي المجمعة=من رايح يوضى بجنح الظلام
الزرع ما يسقم لمن ضيعه=والطرش ما يسني بليا طعام
ياذا الحمام اللي لكن لعلعة=فوق الجرايد والخلايق نيام
بالله عليك .. الصوت لا ترفعه=تقعد غرير سابح في المنام
توه صغير .. الديد مايرضعه=مستنكر عقب الرضاع الفطام
الى سرى فاسري على مربعه=ثم ارجعي من بعدها للمنام
الموت جاني ما قويت امنعه=موز بحالي وا هني الفدام
خلخال سيدي وان مشى يقرعه=قرع الجرس للي تقود الجهام
الصاحب اللي عشرته مسمعه=عليه مني كل يوم سلام
والصاحب اللي كز لي مردعه=عليه مني كل يوم سلام
شوفي بعيني مخطره يذرعه=يسري تويلي الليل يم الهدام
شاعر دوسري
ي6
ياعنز ريم هيفت تتبع الظل =قناصها من طردها تكلح انيابه
سميها في فرعة (العتك) متعلي=رجم طويل يكشف الخد مرقابه
شاعرة مجهولة
ي6
ياذيب يا اللي جر صوت عوى به=ما ادري طرب والا من الجوع يا ذيب
ياذيب لا تطردك عنا المهابة=وتطارد الغزلان بالقفر يا ذيب
البوش كله يم خشم اللهابة=في روضة التنهات وان تهت يا ذيب
قالت العجوز:
يا بنت ليا الذيب ينهشك نابه=يقذلك من يد البني الرعابيب
تراك مثل اللي جلب له جلابة=لا دارها السوام يلقى عذاريب
فأجابت البنت:
وحياة جلاب المطر من سحابه=اني عذية ما دخل عرضى العيب
انا كما عد قليل شرابه=ما دوجت عليه حرش العراقيب
واللي ظلمني جعلها في شبابه=وتحدره من عاليات المراقيب
سامرية من الجوف
ي4
يا ليل يا جامع على الود قلبين=لك عادة تجمع قلوب الولايف
يا ليل ما ترحم قلوب المحبين=وقلب تضمده الضلوع النحايف
يا ليل ما احلى نظرة العين بالعين=في غفلة الحساد نبري الحسايف
يا ليل شفته مرة عقب عامين=وانا من الفرقى على القلب خايف
يا ليل فرق بينا نازح البين=متى تشوف العين نابي الردايف
يا ليل في قلبي من الشوق جرحين=ودوا جروحي بين هاك الشفايف
يا ليل أنا لي عن هوى القلب شهرين=ليتك تقرب لي حسين الوصايف
الصفحة الرئيسية
