ألا يا ونتي ودموع عيني تهل=مثل شن على جال المقام المهايف
حسرتي في ضحى العيد من شوف خلي=قاعد ما جداي الا البكا والحسايف
اه وا بري حالي عقب ما خلا محلي=مثل ما يبرا ابن فرحان لدن السقايف
جعل من لامني في اللي حديثه يسلي=جعله الله شمات من بين سبع الطوايف
اطلب الله واسيله كلما جيت اصلي=جعلنا عقب ذا الفرقى نعود ولايف

سلموا  لي  على  اللي سم حالي  فراقه=حسبي  الله على اللي حال بيني وبينه
قايد   الريم   تاخذني   عليه الشفاق=ليتني  طول  عمري  خاتم  فى   يمينه
أه  وا  قلبي  اللي  راح  مني  سراقه=تل  حبل  الموده  وانقطع  فى   يمينه
بالهوى  طاح ما بالراس عقب   الحماقه=اتشهد   واسمي   لا   خزرني     بعينه
والردايف تشيل الثوب عن حجل    ساقه =مثل  برق   تكاشف   لا كشف عن   جبينه
زاميات   نهوده   يوم   زرر   شباقه =مثل   خوخ   مخدد   توهم     قاطفينه
لا ذكرت الليالي اللي    مضت والصداق =عود  القلب يرجف مثل رجف     المكينه
عقب  ما هو نديمي صار شوفه   شفاقه  =ل الله اقوى على اللى عشر واربع سنينه
اشتهى  عشرتي  وانا  عشقته    عشاقه =فى  زمان  مضى واليوم  ويني  و  وينه

شقول   ياأهل   الهوى  شقول= هذا    نصيبي    من    الخلان
وش  في  يديني على  المجمول= يرض الضحى     والعصر   زعلان
لاحول   ياأهل   الهوى  لاحول= تبا    تل    الصد  والهجران
والخد    مثل   الفنر مشعول= يوضي  على الحوش    والجيران
ومضمر     والشعر      نسول= لا  جيت  احب  النحر    غطاني
عين  الظبي  والهدب   مكحول= موت   حمر   نهضة     الحجان
في   ذمتك  يا  زريف  الطول=عيد   النظر  وادحر   الشيطان
وانافهد   من   هل  العاقول=والقلب    ساكن   فريق    ثان

ياهل الشرق مروا بي على القيصرية=عضـدوا لي عساكم للأجر والثواب
انحروا دختر العشاق يكشف عليه=كود يمسح علىجرحي ويبري صوابي
ياغريب لفانا من ديار مديه=الغريب لاهله وانا علي العذاب 
كوديرفي جروح بالضماير خفية=من رفا جرح مسلم فاز يوم الحساب
وهقوني بعرفه ناقلين الخطية=مثل ما وهق العطشان ضوح السراب
في عيونه سحر هاروت دمث الشفية=سحروني وانا بيني وبينه حجاب
اتحرى مراحه واتحرى مجيه=واستخيل البروق اللي بليا سحاب

يوم الاثنين الضحى شفت لي غرو عجيب=وتحسب انها حققت في وانا ما اشوفها
ولاسقى الله سدرة غصنها غصن رطيب=وحدرها شقر الذوايب تفل زلوفها
وشالها عصر الصبا والغدا بيض وحليب=ولوتحوس الورد يا سعود ضر كفوفها
واحمر نفنوها والعباة من الكريب=ماتميز صبغة الساق من  نفنوها
وماتعنت للحطب والرشا فوق القليب=دايم مخدومة والعبيد تحوفها
وعلة الفنطاس مايفتصل فيها الطبيب=من عيون بالمخازر تسل سيوفها

يا طير يا خافق الريش=بلغ سلامي وثنه
ثنه على ابو عكاريش=اللي سبى العقل فنه
ابو عيون مراييش=من شافهن يذبحنه
ابو ثنايا مراهيش=ويلي على مزهنه
وقذيلته كنها الريش=ريحه زباد وخنه
جيته يهل العكاريش=في روشن يدهلنه 
صملان قلبي معاطيش=ومن الظما يبسنه
لولاه انا كان ما اعيش=ومن ها الحياة اتهنه