| دردشات | ساحة طار | ديوان حميدان الشويعر | ديوان السامري | ||
| بطاقات | منوعات أخرى | معلومات و قصص | الشعر الشعبي | قصص صوتيه | اناشيد |
|
القصائد التي مطلعها حرف الألف للشاعر حميدان الشويعر |
|||
| القصائد بالمطالع | |||
| القصائد بالقوافي | |||
| قصائد مختارة | |||
أ
الى سرت من دار ابن سيار كنها=سبرتات حزم صارخات ثعالبه
النفس ان جت لمحاسبها=فالدين خيار مكاسبها كانك للجنة مشتاق=تبغي النعيم بجانبها اتبع ما قال الوهابي=وغيره بالك تقربها والدنيا روضة نوار=صيور الريح تطير بها فان جاك من الدنيا طرف=فاشكر مولاك لموجبها لياك تغيرها فسقه=تتغير عنك معاذبها تراها خلتني أجرد=تجدد وانا اقالبها غدت لي في خدلجة=كن القرطاس تراييها راحت يم وانا يم=ولا عاد الله بجايبها وانا انذرك عن المقفي=لا تتلف نفسك تتعبها وانا اخبرك ترى المبغض=ما هوب يوالف صاحبها واحذرك مشير غشاش=وانظر عينه وحاجبها واحذر بالاصحاب بطيني=وده بير يرميك بها واحذر عن بنت العشرين=ليا القراي يقاربها لو كان يقاربها عالم=لزما يشرب من شاربها والفقر عار بالموسم=لو رخصت به جلايبها والمال أوبار يغطي=دبره ولهود بجانبها ويزين بيض قواصر=ورجال يرفا عايبها وشب بالتبن قضا عاجز=الله يخيب خايبها تحسب عبدالله يا الجاهل=يبيع النعمة يكسبها وحمى عبدالله عن برقه=يوم وينهب ناهبها اما فيعاون راعيها=جعل الشيطان يطيربها ويطارد عنها في الوادي=يم السكان محاربها ودبابيب ورعابيب=في مجرى السيل ملاعبها ظهر في العارض حيدين=زبدها فوق غواربها حطت الدين لها سلم=ولا يدرى وش مآربها ولا ادري وش هي تبغى=ولا ادري عن مطالبها ان كان داخلها مثل ظاهرها=فيا ويلك يا محاربها وان كان داخلها مخالف ظاهرها=فكل يقرا عقاربها الله من قوم يا مانع=امسى جاهلها شايبها ان جيت احاكي واحدهم=عن الديره ونوايبها قال اني شويخ من قبلك=جدي عفى جوانبها قلت ونعمين في جدك=والخيبة في عواقبها
اول بطن منها زين=والثاني جاها ودمرت والثالث نطت في كوري=واظن عريتها ظهرت
انا سهر بمنيحيتي=وهو مجلنطي بسطوحه انا آكل من شين ثماره=وهو له زينه وبلوحه عطاه الله صيحة غفله=تودع نسوانه في نوحه والا دراجة فارق=تنشب له راسه في صوحه والا رصاصة درجه=تطلع لي طعمه مع روحه لو هو يذكر وقت فات=وش له بالجيه والروحه ادخل به مع باب الطلحه=يملا ذرعاني بطروحه ترى العيلان الى كبروا=يا جود اللي يغني روحه
اسباب ما فاجا الضمير وذار=كرى العين ودموع النظير نثار يبي قالة للحكم منيه نفسه=وزمايل قومه باقر وحمار يبي ياخذ العربان من شد كيده=أبا الحاس مارز الجناح وطار يروم التبدوي وهو من قديم مرده=على حي كسرى من حضير حضار تبهبه مستتبع تميم ووايل=بغى عامر وعمر القديم وخار يبي المنسب اللي يرفعه عن جدود=ولا يرتفع بسن وصيده فار رعايا لكسرى طول هذا بفارس=أهل مذهب يعرف عبادة نار ابخل من المفطوم الى شحذ تمرته=الي وافقه من الفطام اعسار وابخل من الدهنا على الما الى غدا=عن الأفق مرتدم وغار شي فجاني من زماني وراعني=هواياه في لاجي الضمير كبار الى شفت من يامر وهو دون حسبته=ردي المناسب والجدود هيار امير يسمونه امير مضبب=عار عليه وبالقيامه نار وطاني ردي الخال وغزاني صخرة=وانا عيلتي مفتاقة وصغار غزينا على قحطان لا در درهم=وهجمنا بليل والنجوم زهار تداعوا علينا من بعيد وجلبوا=وجونا كما الدبوا الى من سار تطاردت فرسان ربعي وخيلهم=وتقادحن سيوفهم شرار وجت خيلنا اهلها تجر رماحها=منهزمة تشبه حمام طار الى من هزمنا جمعهم جا كمينهم=يزمي كما موج زفر ببحار وزادوا علينا واستفزت قلوبهم=وحل الفنا فينا وفكري حار جينا ذليلين وذبحت شيوخنا=حفايا عرايا والمقدر صار غزينا وجينا وابرق الريش ما غزا=وابا الحاس ما مد الجناح وطار لك الله لو هو حاضر يوم كونا=نهار عبوس فيه عج ثار الصح تبهبه وثوبه=ويرمي بحدريه بغير عيار ذليل فلا يوم يشاهد بـ هيه=وهو بالمقاهي فارس كرار وهو كما المدغوش في ساقه الفلا=يصهل وبالتالي نهيق حمار تشوفه كما المزغول باول صوته=ترى تالي صوته عليه عيار تحير جده بين عمرو و وايل=وبغا عامر يعمق عليه وحار الى عاد ما انت من تميم وعامر=ولا انتب لعالين الاصول تشار تقهقر ولا ترقي مراقي صعبه=عود وهود يا ذليل الجار تتبعت ديوان المناسب ولا حصل=القى له اصل بين المعبار واجهدت بالدوره واظني لقيته=جدوده بياسير ولا له كار نشدت عن اصل العفن لين لقيته=صغار بني له دار شحيح فلا يبذل من الخير حبه=وللشر بذار قصير اشبار الى نوى بالجود او هم بالصخا=وساويس نفسه للردى تندار أشح من المفطوم في كفه الغذا=الى وافقه حد الفطام عسار واشح من بيوض عن واضح الندا=الى ظهر نجم التويبع غار محى الله من يزرع على غير عيلم=ومن كان يبني بالهيار جدار اجل عنك مدحي ضاع في غير خير=كما ضاع في جيب العجوز عطار مدحته بجهل قبل عرفي فيا اسف=على مدح مزغول بغير اشهار فياليت عرفي قبل مدحي بمن هفت=عموقه وخاله مهنته جزار ترى الاصل جذاب على الطيب والردى=فلا شك نق الحب يا البذار
الايام حبلى والامور عوان=وهل ترى ما لايكون وكان الاعمار فيها من طويل وقاصر=وكل سوى رب الخلايق فان لا تامن الدنيا ولو زان وجهها=ترى رميها للعالمين جفان كم غيرت من ملك ناس وبدلت=مكان لناس غيرهم بمكان انا يا ولدي جربت الايام كلها=ما كبر من عظم المصيبه هان حبال الرخا تورد مياه كثيرة=وبالضيق ما ترد الخدود قران الاوباش ياما حدروا في هبية=طويلة ملقى جاذب وشطان فالى زواك الحرب يوم تناسعوا=تحسبه امر ما يكون وكان وعانك من لا ترتجي منه عونه=فرب لاجي في جنابك خان فصادم صعبات المعاني على القدا=فـ راعي القدا في الموجبات معان فلا مطلب العليا بيدني منية=ولا زادت ايام الرخا لهدان انا اختار نومي فوق صوانة الصفا=ولا جودري في بلاد هوان ولو صار شربي ما هماج مخالطه=حنظل وانا لي بالمعزه شان احب علي من ملك بغداد وارضه=الى البصرة الفيحا ودار عمان اعم صبيان القرايا هل الذرا=من الناس والا فالذهان ذهان الاوطان ما يعدي بها خط عالم=ولو غلته تشرى بكل زمان الى غبت الطرحى بدار ورثتها=بالسيف لاحق ولا جعلان ولو قلت ان هذا ملك ابوي وجدي=على الحق منصوب كلوه بيان يا راعي القصر الذي في قراره=ضعيف القوى ما يرتجي با عوان الاوطان ان جا هوش لا ترفع البنا=والابطال للضد القديم عران ان يقفي من حداها حريبها=يجر السلا ناس فلان وفلان معفة شبانها في كنانها=عراهن من وبل الوطيس دهان ابنا جيل ما ينجيك عنها عهودها=لو عطوك فالعطو عليك هيان ولو كنت في قصر حصين مشيد=فضوه من عدم الرجال وهان ولو كنت تعطي كل يوم اخاوه=تبي العافيه قالوا جنابه لان من يا من الرقطا على الساق نادم=ومن يامن الضد القديم يهان عدوك لو خلاك يوم مخافة=فهو مسرج للمولمات حصان فلا تغذي سرحان ولا تدني مبغض=واياك والطمع الزهيد تدان ولا تحتقر بالدار راعي خيانه=كم شالوا أولاد الحرام هدان ولا تتخذ حظك على كل عيله=الى تم فاستلم فعاله كان فالى صرت راعي قالة تتقي بها=عن الواشي ما تدبيرها باعلان فشاور مرحام صبور صميدع=يعينك بالنخوى ارياه متان واترك زاروب خفيف سملج=ردي اللقا للمعضلات ليان وترك باب الذل حين ولا تكن=الى شفت راس من عدوك بان فصكه بالهندي على كل جانب=فما كبر من عظم المصيبة هان فكم عيلة يعفو لها كشف هيبه=ولا حكم الا يكون ايقان دع ذا وياغادي على عيدهيه=ضراب هجن من بنات عمان على مثل ربدا مع سنا الصبح ساقها=سنا حاكم طق النفير وكان الى اقفت مع حزم تواما سبوقها=كما بارق هبت عليه يمان والا فدانوق هوى مدلهمه=تزجه النكبا والدبور سمان الى جيت عنا للعزاعيز ديره=من الوشم تعزا للعناقر كان عمهم بالتسليم مني جميعهم=من كان قاصي بالبلاد ودان قل يا اهل الفعل الذي يوجب الثنا=تراكم عن الباب الجديد يمان قل يوم اخذتوها على واضح النقا=عريفه منقوص طريده هان عتقتوا عن الفعل الذي يوجب القضا=ولا ياسع اجداث القبور اوطان الا يا رجال من تميم تسمعوا=وصية من هو بالصداقة بان ترى لكم ضد بالاوطان مكنع=احرص من اللي يرقبون جفان صوعوهم بالحرب الذي في جنابكم=عن الصلح ما دام الزمان زمان قالوا لنا مهلا الى حين نلتقى=ترى نصفنا مختفين عيان حسبت لهم ستين سيف معلق=والداثر منهن عند المولمات سنان لنا ديرة عنها الطعاميس مجنبه=بيان صفق للحريب عيان اخذنا بها الاثمان باد وحاضر=جماجم ترمى بضرب ايمان قتلنا بها اصحاب الوشايا جميعهم=واعاننا من لا يعان بشان حفرنا بها بير القضا عقب ماغدا=على مدى طول الزمان دفان ونفخنا بها النار الذي طفا نورها=وغدا لها عقب الخمود لسان فلا يكافي ما لنا عن رقابنا=تولاه كفر ما سواه فلان فلا بيض الله وجه جيران دارنا=الى نشدوا وش كان عنا كان حضرت لهم في عفجة القور وقعه=بها الطرحى مثل الهشيم توان واقفوا وقفينا معيقين بيننا=وراحت تناعى ليعة واحزان مهيضة رباط الكريم ابن زامل=سنا الوشم راعي منسف وجفان جزوه عن الحسنى سو ولا لهم=يجازون الا بالاحسان احسان وصلوا على خير البرايا محمد=عدد ما ذرى الذاري بنفد عمان
أ6
افطن للهمه والممشى=هذا والكرشه مليانه انا افتر وبعيري يجتر=غابت الشمس وانا قدو غيانه
النيا شانت ما زانت=صارت لفلان وفلانه الحصني يمشي ديقان=والبومه صارت شيهانه المسجد بابه ما طرف=ادخل يا اللي فيك ديانه
انا ابوصيكم يا الذهنا=عن نطحة قوم بتحيه اخفرهم ثم انهرهم=قبل يفاجونك بالهيه انشدهم عن خمسة مدوا=امس مدوا بالماريه لو تنظرهم عند المده=واحدهم ينطح الميه كل ينصب يوري طيبه=عند المزيونه المسرديه ساعة جينا عند القاره=جانا رجلين حربيه ما معهم تفاق يرمي=راعي مشعاب وجونيه منهم المطوع شد الباقر=يقول ما لي عنها نيه ضربوا المطوع بمحجان=بشته مصبوغ بدميه وراعي المقرون عبيدالله=والله ما يسوى شاهيه وحويدر قفا منحاش=يدلونه دلي الجلديه و وهيب قفا من شرق=يشبه الربدا المرميه والخامس رجل ما اعرفه=اقفا يرمي من حدريه
الدين الدين اللي بين=بين مثل شمس القيضيه الدين بعير خرج اربع=والخامس دين الاباضيه ما همن ذيب في عوصا=همي عود في الدرعيه قوله حق وفعله باطل=وسيوفه كتب مطويه خلي هذا يذبح هذا=وهو نايم في الزوليه ان جاك السبع ابو ريشه=يلعب لك لعب الحوحيه فاقدح وعلق واركب ووشم=وحط القاطع بين لحيه
اهون الامور مباديها=قدح ولهوب تاليها الفتنة نايمة دايم=مار الانجاس توعيها يشب الفتنة مقرود=يعلقها من لا يطفيها فالى علقت ثم اشتبت=بالحرب غليت مشاريها لحقت رجال اجواد=دايم تنصا قهاويها ادفع الشر دامك تقدر=حتى تصير بتاليها وانظر رب ينظر فوقك=يميت النفس ويحييها واردع نفسك عن العيله=واحذر الزود يهقويها فان جك الطلبه في حلقك=فاضرب بالسيف معاديها واحذر الزله والذله=لو نصف اموالك تعطيها والسيف القاطع والعزمه=لرقاب الضد يهديها والارنب ترقد ما توذي=ولا شفت الناس تخليها والسبع الموذي ما يرقد=و لا يوطا بارض هو فيها خوف من خبطه بكفوفه=كل يبعد مناهيها ما يقرب حوله بدياره=والذله ما هو ناسيها
ايها المرتحل من بلاد الدعم=فوق منجوبة كنها الجوذره روهجت بالعراقيب ربد الضحى=شاف ركابها زايل ذيره لابن ماضي محمد رفيع الثنا=من بني بيت عز الندى مفخره ان نخيته على قالة فكها=وان نخيته على وارد صدّره ان بدا لك عدو يبي غره=فاتركه في حبال لها صرصره اتركه لين تاخذ قضاك=ما يجي ربحها كثر ما خسره لا تعامل عميل تعفى عليه=ما يشنيك اللواويق في منحره يا ابن ماضي جميع القرى خلها=وانت فان طعتني فاهدم المجحره فان اهلها تمالي عليك العدا=وانها هرمة مثل خطو المره وان سكانها ما يفكونها=من عداها وهم بينهم مندره لقمة الحتف انا انذرك عن بلعها=فانها لازم تقضب الحنجره مقحم وان غزا جرها من بعيد=وابن شكر ان غزا باقر ودره أي طير الى طار عشى الفريق=واي طير العشا ذاك أبا الصرصره ماكره كل ليل بعرض الجدار=وكل ساس الى اضحى الضحى نغبره بين هذا وهذاك فرق بعيد=مثل ما بين صنعاء الى سنجره ذا وصلى الله على المصطفى=ما هطل وبل نو وما سيره
أيها المستمع قصة ناظمه=صايب القيل يدني لمن فسره مبتداها صلاة على المصطفى=ما هطل السحب في حكم من سيره ثم تاصل الى أبو علي حجا=من لجا خايف ظيم من يقهره من ضنا ابا نمي نشا بارع=مثلما قد نشا نادر المصقره بعد ذا وانت صرح منظومها=ثم وقر من الناس من وقره لا جزى الله بالخير من فضله=في لسانه الى جاه ما يحذره والذي ما يراعي لنو الجميل=والقبيح اصغره مثل ذنب اكبره ذاك لا ساعد الله نياته=في حياته وفي غد الى انشره والذي يبصر العيب في صاحبه=والى بقى فيه بالعين ما ابصره ذاك اعوذ بالله من حاله=ما يثمن لورده ولا مصدره مثل من ودع السد هوج النسا=من ردى راي بصير قد استبصره وبالمضال ان تماروا رجال القنا=باجتناب الخنا قيل ذا مصخره واقبح الناس من كان ميعاده=كلما قلت ترمه دنا وخره والامام الذي عن طريق الهدى=شايع باعتمال الردى منكره يلعبه للطمع به على شفهم=مثلما يلعب الجهال بالانكره سلط الله على جثته مالك=كلما حسر الجار به حسره والذي ينتصب للطمع قاضي=والفرايض بالاسناد ما حرره ذا وهو من سبب جورته بالامور=وابتعاده عن الله لا آجره جعل فيما مضى له غدا لو فنا=بأمر الله ملك الغضب ينهره ذا مضى فادن يا صاحبي ممرع=ما قصى من بعيد المدى قصره للخطا بالوطا عن تواخي البطا=وصف ريل على غفلته ذيره من ظلته خيال وهو داله=فرمرعوب قلب قد استنكره والنجير انصبه لي على غاربه=واحذر لياه يلحق دفاف ابهره واسع الكور لا يلتهد بنه=ان كثر حشو البديد اثره واعدل الزاد والما ودع ذايزا=عن يمينه وذا عن ايسره واعلم ان الهطال سحب الندى=وافد حيث من قابله بشره بالذي يجلي العسر من يسره=بالمقادير في حكم من يسره يبي كلما كبر بين الملا=بالصخى ما عطى جاره استصغره ذا يجي الى مدح ذو منسب=بالمفاخر ومن يفتخر مفخره يفتخر بالنبي الذي بعده=عن صدا القلب له بالهدى طهره يا ابن خير الملا سيد المرسلين=والذي يكتني باللقا حيدره بين هذا وهذا نشا بارع=ما صفا من شراب العد كدره كن صلصال صوته الى ما سخط=راجم صك خشم الرعن كسره ذا واعيذه عن اسباب سو الردى=عن عيون الحواسد بمن صوره فارس تجفل الخيل من حسه=مثلما فرت الحمر من قسوره فوق ما يلحق الدق او ثابه=سح ساقه لها بكفي المحضره وان نسعى الى نقض في قربه=وان ولى بالصراعة يد تقهره حافره وزن منين مسماره=لو وطا فوق صم الصفا كسره شيظم سالم الكفا يوم اللقا=داني لحرب العدا منحره يصلى حر نار الوغى بابلج=كل وهمة همت به تبهره يبهره حزم باسه براسه الى=جردوا مرهفات العدا مغفره وان غلا بالقرا حلو سعر القرا=صاحبه شايف طالبه قعره والذي يذخر الزاد فيما مضى=للغلا ما لقى عاد ما يذخره والخواوير ما عاد في بسطها=للمحاليل ما يبلغ الحنجره نال بالمال مجد الى جلعد=وفر المال والعرض ما وفره فالى طغى فيه كايد بطشه=ما يخلي مقاضا من استنصره ازعر اقشر الشور ما يهتدي=للهدى عن طريق العيا قنطره حدره بالوطا عن رقو العلا=واستلم الذي في يده وافقره فالحذر أول والحذر ثاني=للذي يستمع نصح من انذره عن ملاواه حيثه لمن عصاه=بالهنادي على مايبي صخره ذا وصلوا على خير المرسلين=والصحابة ترى كلهم ذكره
انا جاهل ما قربت الدليل=عالم الغيب ربي وما فسره هذا ملاقاك يوم الملاك=ان كان ذا فاسد ذاك في اثره
الى صرت فلاح ولا ان شاء الله أفلح=جعلت انا صيفي الزرع بكور
اطقها بالعصا والحصا=وارضيها بشي ما ينطرا
احد مبسوط ومكيف=ياكل وينعم في داره لا جا من السوق مغلدم=يلقى له درة محاره يلقى عذرا يسفر وجهه=تجلى همه هو واكداره ما يوم قالت وش عندك=ترضى بايساره واعساره ان جا شوي قنعت به=وان ما جا شي عذاره واحد عنده ضبعة غابه=انطل من عنطل حواره يسمع حسه من بالمجلس=كنه في راس المناره تقلب عينه ثم تحضرم=هرجه نبذ وبه حجاره الا ومع ذا قشرا شينه=اشين من قبعرة الغاره ايا هذا وايا ذاك=يا جارك الله بجواره
الاموال ترفع من ذراريه خانسه=والقل يهفي ما رفع من مغارسه الا ياولدي صفر الدنانير عندنا=تنطق شفاه في لياليك خارسه وترفع رجال بالموازين سلمت=الى نقص من يم الحصا عاد ناكسه وكم ترفع الاموال من فرخ باشق=تعلى على حر بكفيه فارسه بذا الوقت كثروا الوشاة وصوروا=تصوير مالا صار مني بطامسه يقولون ما لا صار مني ولا جرى=شياطين ما تلقى به من توانسه الى زل مني كلمة ما عقلتها=الى حاضر هذا لهذا ينادسه بنوا فوقها اصحاب الوشايا واصبحت=لها وشمة زرقا والخد لاعسه تعد الخنا عني ولا تنقل الثنا=كتاتيب سو من شمالي مراوسه الى مات من نفالة الحكي واحد=الى ظاهر تسعين مما يجانسه تموت الافاعي وسمها في نحورها=وكم من جريس مات ما شاف جارسه اهل البدع كم فسدوا من عشيرة=خلوا منازلهم من العز دارسه بالناس من يوريك ريا صداقه=وهو آخذ سرك وما قلت بالسه شاهدت بالحادي شياطين مذهب=محاريث سو أو نجوس مناجسه انا قولوني كلمة ما عقلتها=ولا حطها بالي على الراي هاجسه يقولون لي شيخ الحنيفي هجيته=حاشا معاذ الله ما ني بدانسه ولانيب مجنون ولا في صرعة=بلى الله من هو قد بلاني بتاعسه ما اذم شيخ يقف الكي دونه=ولا اذم قرم ترتكي في مجالسه عن اتيان طرق الشين والحسد والردا=بعيد وذاك الوجه مانيب ضارسه وهو مارث للجود والدين والهدى=بعيد عن افعال الردا أو مدانسه رموق لعين الراي مهوب خامل=بصير في بعض المحاكاة سايسه فتى عن جميع اللي يدنس مجنب=حاشا فلا قلت الذي انت هاجسه فقلت لعثمان التقى ابن مانع=وكل فتى ياوي الى من يوانسه فهل ترجي لي يا ابن سيار جانب=من العذر والهجس الذي انت هاجسه وقولك فلا يصفى الى طاح طايح=وعينه لمثلك بالملاقاة عابسه وقالوا اهل الفضل الذي تاجد الثنا=ترى القول فيك اليوم كثرت نقارسه انا اقول يا مقفي الى طاح طايح=ولا قوي بالمشاحا يعاكسه فقلت لعيسى دن لي عيدهيه=لها من قبل ذا العام عامين كانسه سرت من ربى دار ابن سيار كنها=سبرتات حزم صارخات هجارسه يحده الغيطان والرجم والشفا=الى الحرة العليا سقاها بطامسه سرت بحرف الكاف والنون ساقها=غربية تحدا الصبا عن نسانسه تجر هشيم العام عن كل تلعه=كما عش طير في ذرا الطلح داعسه تقلب احجار حزومها من محلها=جميع البطاحي يرتوي منه غارسه لما تركب نيها فوق وسقها=وزهت دلها ماله جنيس يجانسه كن اشتعال البرق بطبوق مزنها=سنا روشن عالي تلامع مقابسه سرت تويلي الليل توحى رنينها=كما اطواب حرب ليلة الزحف راجسه الى الجبل الرعن الذي ياجد الذرا=لمن خاف من أمر للاذهان عامسه تطامس بلال القيظ شروى سفينه=من البحر يقعدها الصبا عن نسانسه تفيض على دار وكار ومركب=وحكم نظيف ما يصافي مناجسه رفيع الثنا عبدالله=اله الملا عن صاحب العين حارسه خذ العدل من كسرى ومن حاتم السخا=ومن احنف حلمه ومن عمرو هاجسه هزبر التلاقي واحش الطرق والحمى=وراعي جفان تجري القاع دانسه وان قنصت شيخانها في حصونها=فهو فيه همات توامي عرامسه بعيد مجال الراى ما يسمع الهذر=ولو جاه من اصفى جليس ملابسه ذكر فيها فارس خصلتين من الثنا=وزدت بثلاث واربع ثم خامسه كريم على الاقفا وسمت وهيبه=وثوب الثنا عن جملة الناس لابسه وان ادبحوا ركاب خيله عن القنا=وجن طفح في حنايا كرابسه له سابق لا شافت الخيل مدبحه=فهي فيه عرجا للملابيس دايسه صفي نقي ما يرافق بخدعه=الى من كل خشها في ملابسه نسر الضحى يلقى العشا حول بيته=وذيب العشا يلقى العشا في مداوسه وهو مثل شط النيل ما هوب نقعه=الى غط فيها والغ قيل ناجسه ولك الله ما قولي بباغي وفاده=عندك ولا كفيك منها بيابسه ولكن عذر من حكايا مناجس=رماني بها سلب تعاقب رسايسه شيخنا واقبل عذر من جاك طايح=الى الله ثم اليك والكف يابسه وانا طايح طيحة جدار مراوس=ردي العزا ما توحي الا تكايسه وانا زابن زبنة دريك من الظما=وارد على الرقعي شفاياه يابسه وانا طايح طيحة هزيل مقصر=عدته الرعايا خايف من فوارسه الى طاح بنو وايل فانا طحت مثلهم=كما عامل عقب السنا يبس رايسه وانا والذي نزل تبارك وهل اتى=وطه ويس والاعراف خامسه والله اله البيت والحجر والصفا=وما شرف المسعى الهي بدايسه فلا قلت ما قالوا ولا اقول بالذي=جيبه نقي العرض بيض ملابسه ولا فاه من فاهي على الغير كلمه=حذا حب من احيا من الدين دارسه وانا كنت للدين الحنيفي تابع=قولي لفعلي فيه والحق آنسه ان قبل عذري قبله الله في غد=وان وفره ما قاس الاجيال قايسه وهو عزيز الدار عبدالله=انيس وحيش لين كفي تخامسه وصلوا على خير البرايا محمد=عدد ما قرا القاري بعالي مدارسه
الاعمار ما يرجى لهن رجوع=غدت بخلان لنا وربوع ربوع لنا قد فرق البين شملهم=وشوف الديار الخاربات يروع امرقت انا الدنيا بيوم وليلة=واعد اسبوع من وراه اسبوع سود الليالي ما دري عن بطونها=يمسن حوامل ويصبحن وضوع انا ادري بعلم اليوم وامس بما جرى=وباكر بغيب والامور وقوع والايام لو تخلف بيوم عذرتها=لها بالليالي الماضيات صنوع استجرت بربي عن دواهي شرورها=علوم الردى ياتى بهن ربوع ومن رافق الاصحاب التهامى فلو نجا=من الربع مشوا في رداه طبوع وانا احب يوم ما اجي فيه مذنب=ولا نيب مفراح ولا بجزوع وانا احب جلوسي عند حي يفيدني=ولا ميت ما في لقاه نفوع وانا احب قعودي عند قوم تعزني=لو كان فيهم من صليب طبوع وانا احب نومي جوف غين دوالح=الى ايتفى ظيم بهن وجزوع ولا دين ديان ولا ظلم حاكم=يجور ولا يعذل عليه خدوع واحب صياح القيظ ورد وصادر=وصياح غارات الربيع يروع على شايب غدا يا وا سفابه=قفوا من ورا الحويش ربوع فيا مانع اشرف لي على راس مرقب=من قبل ما شمس النهار طلوع لعل على الطيري شلايا ضغاين=تقافن على وكري الخليف ربوع ربوع لنا يوم الليالي مريفه=واليوم ما عادوا لنا بربوع انا كان بايام الرخا لي معارف=غدوا مثل براق السراب لموع الا يا نخلات لي على جال عيلم=حدايق غلب شوفهن يروع اخذت بهن عامين حيل زوافر=من القيظ ما خلن في ضلوع الا يا نخلات الصدر جضن بالبكا=وهلن يا هدب الجريد دموع حلفت صافي الما فلا تشربنه=مني ولا يسقى لكن جذوع غلاكن عندي قبل هذا وانكرن=عليكن الليالي والزمان يضوع الى ادنني من غيظ الاصحاب عفتهن=لو هن على شط الفرات شروع وانا في السما وعدي ورزقي ومطلبي=ماهوب في صبخا مراغه جوع تقللت عن دار وربع ومنزل=وقبلتها حثو التراب كسوع فلا يا عاير القصب الجنوبي ليتني=اشوفك من حد السراب لموع نخيت قرم من عيالي مجرب=الى نزر ما ذاق الطعام اسبوع فترى يا ولدي من ثمن الخوف ما سطا=والانجاس ما خلوا سبيلك طوع تبغون جذرات المنايا تزورها=الاجال ما يقدر لهن دفوع فلا يلزم القالات من لا يشيلها=ولا تحمل ارقاب الحريم دروع وترى المقابر نصفها من حريمها=لو كان في وسط البيوت منوع لا شك بـ الهندي قضا كل عاجز=وشراب من در الخصيم كموع وتزبنت لاولاد العزاعيز ديره=لهم من ذرا عالي تميم فروع محجين مطرود مهينين طارد=محاميل قالة الرجال نفوع واما بني فـ وي قبيلة=لولا ان فيهم من صليب طبوع ولقيت بـ فداديم قريه=مرمة قشرا كناسة قوع الى شافوا الخطار عنهم تلاوذوا=تلاوذ وبران لجت بصدوع واما اهل قبابين صحصح=الى قضب هذا الى ذاك نسوع يا ناق من جبانة الوشم ثوري=برد الخبر والعالمين هجوع تذب الفيافي عن مرامي خشومها=والصبح ظلات الطلوح تروع يروح يبغي نجعة لابن=والارياف ما فينا لهن نجوع ما ذار خيل الجار في كل منزل=وخيل العدا ياما لهن يروع يا ليتني بثراك حزو على الرخا=ولا البصره الفيحا وراى طموع وحط الجدي بين الضلفتين وخلفك=سهيل اليماني من وراك لموع فيا طارشي قل لابن ماضي محمد=ترى الشور عقبه قد بدا برجوع قد تهت انا واياه في ماض مضى=ضربنا تلاع ما لهن فروع تروح تصافي بومة في خرابه=جنح الدجى ما تهتني بهجوع يبي منك حراس الى بات خايف=شروا ضريع ما تسد الجوع وراك ما صافيت راعي جلاجل=ما في مصافاته عليك هزوع يسراه ما تبذر من الشر حبه=ويمناه تبذر بالجميل زروع ان زالت ام عنيق يبقى ابن عامر=حريبهم ما يهتني بهجوع وترى جلاجل هو باب سدير كله=والغير بيبان بليا صروع عينت حصان الصف خلي مجندل=وهو شاكي باحدى يديه قطوع والى نهق النهاق من عقب غفوه=تلقى في بعض الخراب ضلوع فديرتك فيه يا ابن ماضي مطامع=وبلاده ما ظني يدار به طموع فانشد باب الحزم مادمت صاحب=وتفضي على سيب الجراد يسوع وصلوا على خير البرايا محمد=عدد ما اضا برق وهل دموع
الى جا ثور يخطب بنتك=فاضرب رجله وقل له قف والله ما يسوى ملكتها=ولا يسوى قرع الدف وما يسوى والله ضيفتها=ولا يسوى ضلف وخف يظهر بنتك من بيتك=ويذوقها جوع وحف ان سلمت من ضربه بيده=ما سلمت من بف وتف يروحن حيل وملاط=ويجن لقح ومردف
النعمه خمره جياشه=ما يملكها كود الوثقه والجوع خديديم اجواد=ودك يا طا كل زنقه ليت ان الفقر يشاورني=كان ادهك به كل فسقه نصحت شويخ بالماضي=يومه يبرق مثل الدرقه ولا مقصودي يا مانع=الا نصحان وشفقه ونصحي في هذا وامثاله=ضيعة غدير ببلقه يحسب الحرب الى شبت=اكل لحيم وشرب مرقه ونومه وايا خود ناعم=زمة نهده مثل الحققه ردف وافي ووسط هافي=ولها شي مثل الدرقه الحرب يوقد برجال=وسوق اعمار وحط نفقه يشب الفتنة مقرود=نزغة شيطان وحلقه والى اشتدت معالمها=قفا ناير مثل السلقه كسروا عظامه واخذوا ماله=خلوا عياله لهم لعقه خلي مقضاة ابن درمه=دمه مختلط بعرقه هذا جزا من لا يتبع=شرع الله في كل طرقه والخاين لا بده خاين=تذهب عيدانه وورقه غروه بنقش السروال=وطق الدمام وسط السوقه لا تطلب صلح من جاهل=لين الحرب تثور تفقه ثم ترش مقابرهم=وينعى الناعي مما طرقه ثم اعذل فيهم يا عاذل=تخلي لك الارقاب صدقه ما عاد تحاذر من ضدك=كنك عود ساق ورقه
