قال عود رمنه سنين مضن=زل عصر الصبا والمشيب حضره
ان حضر بالمجالس يتالي العصا=زهد فيه الولد والوغد والمره
من بقى معه مال فهو غالي=يكنسون الحصا بالعصا عن ثره
وان ما بقى معه مال فهو خايب=قيل عود كبير وفيه الشره
يا مجلي تسمع نبا والد=قاصر بالعضا طايل باصغره
كل من لا بعد ساد جده وابوه=لا ترد الثنا فيه يا المصخره
وكل من يبذل الجود في جلعد=مثل من برقع الباشق وصقره
برقعه يحسبه فرخ شيهانه=والخنا باطل عاطل ماكره
مثل باني بين فوق تل الرمال=ماله اصل سلوب الهوا تقعره
والذي يرتجي الفضل عند اللئام=مثل مستفزع صاح في مقبره
بارة في ضحى اليوم عن باكر=عند راعي العقل خير من جوهره
وكل من زار ضده ولا زاره=ما تململ حريبه ولا ذيره
لو يجي عابد لاجي له بغار=ما يحب القشر جاه من نحشره
وان رد القضا بالقضا بادره=غارة بالضحى مرة تبهره
وان بغى ينتشر وانت ماتنتشر=فاصحبه لا يبرقعك يا الدوكره
لا تولي البطيني على غرتك=والصديق اعرفه للمضيق اذخره
فان بالناس نجس وذا طاهر=وآخر مثل طيب وذا عرعره
وآخر قال احبك وهو كاذب=طهر القلب والهرج ما طهره
وآخر من صباخ الثرى منبته=لو بذرت الندى في يديه انكره
وآخر عند قوم وانا خابره=لو يراهن على قصرهم سوجره
يا حكايا جرت يا عيال الحلال=امرها مشتبه والاديب نشره
من حصان بلود جذت به يديه=ادبرغاربه خارب السكره
يا شويخ نشا مع طيور العشا=ضاري بالحساسات والقرقره
فارس بالقهاوي وانا خابره=بالخلا تاخذه طيرة الحمره
تاجر فاجر ما يزكي الحلال=لو يجي صايم العشر ما فطره
عاطل باطل فيه من كل عيب=لو تبي منه بول الخلا ما اظهره
لو تجي خالته تطلبه كف ملح=مخطر ضلعها بالعصا يكسره
ماتت امه وهي ضلعها عايب=كل ما جت تزيد العشا كسره
ما عطا جارته ولو مد ملح=كل ذا خايف من جور المره
خايف تصطره صطرتين حساب=أو تجور عليه ما يجي المجحره
يا ضبيب الصفا ما تجي الا قفا=ما تجي الا مع النخش والنخجره
مثل راعي جلاجل مع ابن نحيط=ادركه من زمان وهو يسحره
يسحره مثل ضب هوى صلته=والملا لو تجي الجحر ما تقدره
قال يا ضبيب هذا جراد ضفا=والسبايا ثقال تبي جرجره
فاظهره للفضا من كنين الذرا=ثم جودوا عنه ساكف المجحره
ثم قال احملوا يا عياله عليه=واحد بلمه وآخر عقره
ما يفك الحذر من سهوم القدر=والشويعر حميدان ياما انذره
يتحفظ عن الباب والطالعي=واثر القوم مكتنة بالذره
يا عيال الندم يا ربايا الخدم=يا غذايا الغلاوين والبربره
قلت هذا وانا في زماني بصير=كل ما زان صرف الدهر كدره
قال عود حداه الكبر والمشيب=وانحنى مثل قوس يتالي عصاه
راح ماله وحاله ولا به مزيد=وان ومر من عياله صغير عصاه
يوم عنده حلال وقوله يطاع=يركض الكل منهم بزاده وماه
الرجل كلما قل ماله يعاف=وان عمى بالكبر عمس رايه وباه
انكروا ما مضى وجحدوه الجميل=يوم حقه ورد واكمل اللي وراه
يا مجلي تسمع نبا من فهيم=وافي با صغره قاصرات عضاه
عارف باخص في جميع الامور=ان غدا الراي عن دايرينه لقاه
لا تناسب بخيل كثير الحلال=مهنته كل يوم يقيس عشاه
ناسب الي يرحب الى جو جياع=والتبسم بسنه من اول قراه
ولا تلين جنابك لمن هو ضديد=أو عدو يداهن بقلبه بلاه
والحريب انحره قبل يقبل عليك=وان تنيته يزورك بدارك تراه
معلق مخلبه والطمع بك يصير=اضربه غارة لين تقلع مداه
من جبن عن عدوه يسلط عليه=البخل والجبن للمعادي مناه
كل من داس ضده وغورب عليه=اخذ بها مدة ما تمثنى حماه
والصديق اعرفه واذخره للمضيق=ذب عنه بوجهه وتحمى قفاه
والمره ضمها لا عرفت امها=ثم صن عرضها لا يغرب حياه
والبدوي ان عطيته تسلط عليك=قال ذا خايف مار بالك عطاه
ان ولى ظالم مفسد للكمام=وان ظلم زان طبعه وساق الزكاه
مثل كلب لا رمي فهو يروح=وان رمي له بعظم تبع من رماه
حاكم ياكلونه ومنهم يخاف=من رخاميته ما هنين ثواه
وحاكم داواهم بفعل يشاف=كلما خالفوا لحق فيهم مناه
كل يوم عليهم صباح شرور=غير ذبح اللحى عزل بوش وشاه
مثل وصف الحبارى تعرف الطيور=يوم جا حاذق موثب من سماه
نادر الحر يدعى عضاها لهوم=والتبع تطرده مرشة من خراه
هيه يا راكب فوق حمرا ردوم=من خيار النضا طبعها ما احلاه
عيبها زورها ما ينوش العضود=خفها سالم ما رقع عن حفاه
يا نديبي على كورها تستريح=فرجتك ساعتين بحفظ الاله
من بلاد القصب سر وتلفي شريق=ديرة بالوشم قابلتها مراه
ديرة للعزاعيظز سقم الحريب=علها الله بوسم وصيف قفاه
عمهم يا نديبي سلام جميع=عد ما هل وبل وهبت هواه
قل لهم شوري اللي مضى من قديم=بالهم يخلفونه يجيهم قضاه
احربوا واضربوا دون حدب الجريد=واذكروا قول حاتم ولا شيء سواه
موتكم بالبواتر لكم كبركار=وموتكم بالتوجع عليكم زراه
من ذبح دون ماله وحاله شهيد=ومن حيا باللسعاده فله كبر جاه
لا تحسبون من ذل عمره يطول=فان ذا الموت لا بدكم من لقاه
جدكم رخمه ماكر للطيور=لهس العنقري كل حلاوي نماه
واظهر الله عياله وسبب لهم=شور عود فهيم قليل خطاه
افطموا من فطم ديد من قبلكم=فطمة الورع عن ديده اللي غذاه
يا .. قوت لو كلتيه هبيد وخرطه=احد يتعرق للخصاب تراه
لعل مكس حاش لك قراده=حصاة قفان تدق جباه
وقت الرخا تيس مسلفع=وان جت الشدات لقاك قفاه
