مانع خيال في الدكه=وظفر في راس المقصوره
وان صاح صياح من برا=وايق هو والغندوره
اليمنى فيها الفنجال=واليسرى فيها البربوره
والى ظهر يم السكة=تاخذ خوجته السنوره
تلقاه من الخوف يرهبن=كنه حداة ممطورة
لو تفتش ثوبه تلقاه=نجس ثوبه من هرهوره
وينحى بلسانه ويثافي=والذله سدت حنجوره
وعنده عذرا مثل الحورا=نوره يقادي البنوره
كتف وردف ونهد زامي=وشاخت في ثبر مشبوره
تلقاها من طيب المعلف=مثل الحمنانه مزكوره
في البيت تعيزل وتبيزل=لا قال الجصه ممخوره
تعبا المثلوث من الجهمه=من ليل يرعد تنوره
وتبج الكحله من بكره=تبي به حك الحتوره
والزبده تجرعها عدله=تبي به ضوق وحروره
وعندها رجل ثور جيد=أجم يرعى في هوره
اقصى ما يبعد للطايه=والمطبخ ورده وصدوره
لا قالت عجل جا يركض=دايم ما يظهر من شوره
حناها وادعى رجليها=ما بين الكتف وصرصوره
فالى شبك هذا هذا=حالتهم ما هي مستوره
تسمع بالسوق مكالخهم=الى دلى يكرب كوره
ما هيب جريمة قراش=يجيها يقطر نخروره
بالليل يلقيها صرمه=ويدلي يذرا صنبوره
يلقي معها حضن دافي=وتغشش عنه الفنوره