طالب الفضل من عند الشحاح=مثل مهدي وقت الصرام لقاح
او مثل طابخ الفاس يبغى مرق=او مثل حالب التيس يبغى مناح
الخصا ما بهن در يشاف=غير بول لشرابه ملاح
اربع يرفعن الفتى بالعيون=الظفر والكرم والوفا والصلاح
واربع ينزلن الفتى للهوان=البخل والجبن والكذب والسفاح
واربع يظهرن الفتى للزراج=لين تبرا جنوبه بيان صحاح
روشن عالي فوق كل الملا=مغلق ما هوته الوجبه السماح
او مكاشخ هدوم بغير القدا=او ذليل يزرج طوال الرماح
او رباعية فخرها بالحمام=هي نفاد الدوا ما تعرف الصياح
وكل من هو تعب جده وابوه=اغتنى واهتنى واكتفى واستراح
وكل من ذوق الضد صخن الدما=من حدود البواتر وسمر السماح
خذ بها مدة ما يزوره حريب=وامن السبل في دياره وساح
وكل من تدين ليوفي ديون=يحسب انه نفه من ديونه وراح
ما درى انه يزيد الدين دين=وزاد همه هموم وهو ما استراح
وصفت انا الفلاح وصف طيب=ولادة ما تعتبر بصياح
ومن بغا الحكم وسيفه بالغماد=ذاك طير تنهض بليا جناح
ما ينال الا العذاب او يستفيد=ما استفادت من نبوتها سجاح
يوم جت لمسيلمه استلمها عروس=والمهر خلى لها فرض الصباح
قبح الله ذاتهم وصفاتهم=للواشي دماهم تستباح