والله دين باثر دين=من باب الغاط الى ضرمى
ان الحاكم ينشر منشار=والعالم من ليل اجهما
والحاكم ياكل ويوكل=ويفك الدار من العدما
ولا ضره ما ينفد كفه=في بيته نعمه ونعما
والعالم يدخل ما يطلع=سحمى تاكل ولا تحمى
لقيت الظلم يا مانع=في عام لبسوه العلما
واحدهم في كبر اللحيه=حبال حط بها الطعما
يحب الكامد والجامد=من مال الغير الى ولما
والا من ماله محروم=وربي رزاق للحرما
وابمدح في العالم شاره=وطيبه في فرع الدهما
لا جتك الطلبه في حلقك=وتقابلت انت وايا الخصما
وبدا يسمع نبط الخصيم=ولحقك الشكة والتهما
فـ الفز في كفه دينار=لياه يضربك اليهما
ظهرت من الحزم اللي به=سيد السادات من العشرة
حطيت سنام باليمنى=وطيت الرقعي مع ظهره
ولقيت الجوع ابو موسى=باني له بيت بالحجره
عليه غتيرة دسمال=وبشيت منبقر ظهره
حاكاني وحاكيته=وعطاني علم له ثمره
ما يرخص عندي مضمونه=واقول بعلمه وخبره
الزلفي فيه زغيوبه=ودحوش قبلي جزره
من قابل خشم العرنيه=فالخاطر منقول خطره
ومن قال انا مثل سليمان=كرم السامع ياكل بعره
والخيس بويليد مسقى=ضب لاجي له بوعره
والفيحا ديرة عثمان=ومقاباتها دار الزيره
