| دردشات | ساحة طار | ديوان حميدان الشويعر | ديوان السامري | ||
| بطاقات | منوعات أخرى | معلومات و قصص | الشعر الشعبي | قصص صوتيه | اناشيد |
|
القصائد التي مطلعها حرف الياء للشاعر حميدان الشويعر |
|||
| القصائد بالمطالع | |||
| القصائد بالقوافي | |||
| قصائد مختارة | |||
ي
يوم دلوا زراريعنا للحريث=روحت به سويره عن العيثري العرب يظهرون النخل والعيال=وانت تشري لها المسك والعنبر حاط مرتين جعل ماهوب زين=جعل عقب هذا يهبد الشري يوم جا ما عطاني لبيبيده=اتدفا بها يوم جسمي عري يوم جتنا سويره من العارض=كنها ضبعة حل فيه اسعر ليت مانع الى قلت له طاعني=يوم توه بمطلوبه مشبهر قبل تاخذ بقلبه زهرة الربيع=في ذرى الغار غره بها المنظر قبل يشتريك في حبل الشرك=ثم يصبح على راسه مكنعر يوم قامت وشاف الذي تلها=من وراها نبا الردف ومزبر ما درى ان النثيله وكثر التراب=من وسيع الدواخل وهو ما دري يا صبي استمع من عويد قضا=الدهر مدبه لين ما قصر ما بقى منه غير العصب والعظام=مثل عود على الدرب ومقشر احترس من سهوم القدر بالحذر=وانت مالك عن اللي لك مقدر كل من كان قبلك بيوم وليل=شاوره والعلم عنه لا تقصر حط بالك لما كان اوصيك به=فان هذي وصاة على خاطري لا تضم الذي ما تعرف السوا=تودع الزين شين ولا تستر يذن العصر والعشا فوق الرحى=القدر موصخ واللبن مخور لا تضم الذي تشتري اللغا=دايم هرجها بالكلام الزري لا نشدها بعلها بهرج لطيف=طوحت صوتها ما ادري ما ادري انذفها في ثلاث تبعها ثلاث=لاجل تاكل طعامك هني مري لا تضم الذي يطوح طيها=الضحى وانت في المقبرة تقبر لا تضم الذي قد حكى بامها=تحسب العيب باري وهو مابري لا تضم الذي ما تخلي العباة=دايم كنها تلعب العيفري من جهلها تخلي ولدها يصيح=ما تسنع لها مورد ومصدر يوم تظهر من البيت وش هي تبي=تبي عند غيرك طعام طري تركه ياالخبل يا نكيث الحبل=لا تجزع الى قيل يا المثفر طلق العاهر وخلها تنطلق=من حبالك عسى بطنها للفري لا تضم الذي عينها واذنها=بالمزاغير والصاير المسفر ودها كل من مر مع سوقها=من شريف وطريف يقول اظهري لا تضم الذي ما تربي الحلال=اغبر طبعها والزمان اغبر لا تضم الذي ما تمل الرديف=تسري الليل للي لعا يحتري لا تضم الذي ما تخلي الرفيق=غايب رجلها أو بعد حاضر الوعد مثل ما قال كحي واكح=في قيام العشر وان ظهرت اظهري واقعدي عندنا لين ما يظهرون=واظهري والمطوع بهم يوتر يا عسى جنسها دايم ما يعيش=عند الاجواد وان عاش ما يكثر لا تضم الذي ينخزن دونها=دوم نجارها بامرها ينجر لو تقول ارفقي يا مره بالحلال=دبري مرزقك ذا السنة واصبري بان منها من العيب ما تكرهه=وباشرت في حلالك له تبذر لو يخطره شريف كان ما سرها=ودها انه يخطر ولا يخطر وان دخل باشرته بخبيث الكلام=وان ظهر وندبت له قال ابشري سلط الله عليها قبل تزرم=والضعيف بمرضاتها مصخر مصخر مار ما وفق ابن الحلال=غبشته في الصفرا واللزا يخرخر من جهلها وسو تدبيرها=ما عليها من اللبس ما يستر لا تضم الذي ما يحجها حجاب=دون حجانها كنها تنظر يا مطول حجيه عن اللي تويق=لو تحطه عن الخمس ما يستر هي على طبعها عاسي عودها=ما يعدل سوى انه يبي يكسر لا تضم الذي طلقت مرتين=يوم يطري لها طاري تنكر كل يوم لها عند اهلها نسيب=واحد داخل وآخر يظهر شارب مخهم وآكل تخهم=غادي عندهم كنه العسكري لا تضم الذي مالها من تهاب=خبلة هبلة ما لها ماكر يوم تصبح تدوج بوسط البلد=كل دار تبايع به وتشتري كل من كان يرضى بدوج المره=ودك انه بنعليه يصطر المره كنها الشاة بين البيوت=يطمع القلب فيها ولو هو جري لا تضم الذي رضعت روحها=دايم خالي شقها الايسر لا تضم الذي عمرها منتهي=كان ترجي عيال بهم تذكر هي سفينتك لكني غدا الله عليك=مادريب انها ذبت الانجر لا تضم الذي تلتفت في الطريق=حط بالك لها في قفا العاير وقل لها وش مريبك على الالتفات=ياضراب الحنا بالثلاث اظهري يوم قل الحيا عندها واتسع=وجهها حل في عينها الانكر ما درت بالتلفت سهوم تصيب=بالضماير بها الكسر ما يجبر وش تدور وراها وذا طبعها=كن ما غيرها في البلد يذكر لو ابوها يهد الجموع بعصاه=او بشلفا على الكبد تفري فري او اخوها يخلي قرينه يخور=مثل ما خار عجل مع السامري لا تضم الذي بارد جمها=كل ش يابس وسقفها يمطر ما تذوق اللذاذة وعمرك يروح=في قصا لو حلالك من الاحمر لا تضم الذي رزنة في المكان=صخرة ما تقلل بـ هيب ابشر ما تكلم ولا عندها لك جواب=وبسكوتها يزيد المرض باكبر لا حديث يسلي ولا من فراق=قلب لا يحزن وعين لا تنظر ذا هو اللي يسرهالى فارقت=لين تاخذ سواها ولو تخسر لا تضم الذي قد قضب خلفها=ضنا من غيرك لثديها يمجر ما درى انه عليها سواة الرديف=قاضب في يده تكة الميزر ومحشوم على كل حال يصير=مخصب وقتك أو مقصف مدهر فهذي أمور عساها تطيب=من ذنوب مضت عسى تغفر ثم صلوا على المصطفى والسلام=ما أضاء بارق بالدجى مسفر أو لعن الحمايم بلدن الغصون=ساجعات على الورق المزهر
يقول حميدان الشاعر=ايضا ويجور تجويره انا من قوم تجرتهم=ارطي الضاحي ودوا الغيره اشوف التمر محاربهم=حرب ما لهم به خيره ما والله طب نواجذهم=لا في البر ولا في الديره يموت الميت ما ذاقه=ولا شاله باظافيره دايم شهب حلاقمهم=واحدهم يشرب ما بيره ما فيهم رجال طيب=الا العتوي رجل سويره ظفر بذراعه وكراعه=عند اللقم وعند النيره فالى منه توضمها=دلت تصفر مصافيره لو تسمع حس مطاقعهم=يقعد النايم بعشيره دلا يشخر وهي تنخر=ما تفرق هذا عن غيره وهو يهمهم وهي ترهم=ما يكفي هذا عن غيره واخذ هذا يضغط هذا=ويكود تالي تنجيره ومن شدة ما فيهم=كل ثور له تثويره انا واياك يا بنتي=خربنا ربع ها الديره هيا واياك للصانع=نشير الله ثم نشيره
يا عيال افزعوا لي على ذا العجوز=ليتها غيبت في غويط الثرى من جواز الصبا جعلها ما تعود=البطن ما ظهر والظهر ما عرى
ياذا استمع مني جواب يشتري=مثل اللوالو من عقود ينثرا او مثل الشمس المنيرة في الضحى=لا قال من هو في زمانه مبصرا من جاد في سمته جاد في ذا وذا=والمرجله ماهي بورث تحجرا تسلسلوا من نوح جد واحد=حر وعبد والردي البيسرا تلقى الجماعة من شجرة وحدة=وطبوعهم مختلفة الله قدرا يطلع بهم خطوا الكذوب المارج=غوج ولو جود عنانه يطمرا ومن الجماعة شايخ متشيخ=والنايبه كم يتقي عنها ورا الى مشى بالسوق اليه ملوذع=عن خاطر يقضب قضابه من ورا ومن الجماعة حامل متحمل=ما فات يوم ما لضيف ما قرى ان ما يدور الضيف دور بيته=وهو سواة العد يراد ويذكرا ومنهم سواة الديك رزة عنقه=والمرجلة عنها يصير الى ورا وفيهم من كنه ضبيب منتفخ=متبختر يسحب ثوبيه من ورا كن الضعيف شايل سبع الطبق=هو ما درى انه خف ريش الحمرا ومن الجاعة من ينط بمرتبه=بالدين لو هو مايخط ولا قرا يدرق بدين الله دين غادر=والله علام ما هو اضمرا ومنهم ملاق علومه برقه=سملق ما له مكان يخبرا الى حلف والى يمينه قاطع=ولسينه باللطلطة ما يسدرا ومنهم هميلة صغير حوضها=لا هيب لا تثمر ولا فيها ذرا وفيهم من كنه دقيلة قنعة=دب الليالي حوضها ما يحفرا يدعون للكرمه ولا يدعونه=والى حصل شور فعنهم يقصرا والى جا الخسارة فهو الاول منهم=غصب على ذقنه وما له يعشرا ويمد الى من حربوا جماعته=يم القطيف او الحسا يتيجرا لولا رجاله راح ما له صلحه=ودقوه دق مثل دق ام الجرا لقيت بالعبدان عبد هيلع=كل المراجل في يمينه تذكرا ولقيت بالاحرار حر باطل=بنصيف ملح لو يباع ويشترى ولقيت حي القلب فيه مروه=والخبل ما يسقيك من رطب الثرى لو بالتمني ما يموت ثلاثة=وباقي الجماعة موتهم حق ترى الظفر بفعله والكريم بماله=ومن هو يخلص مشكل بين الورى وباقي الجماعة هم ضيوف القريه=وكسر العرافي في الجماعة أكثرا
يا صبي استمع من عويد فهيم=وفي كل غبه من الفكر عايم اعسف القوافي بسبك المعاني=واصخر صعبها بليا شكايم اقول النصايح واعد الفضايح=عن اللي فعلها ولا اخاف لايم واعرف الدروس وكل الرموس=وادل الموارد بليا علايم واعرف الهوى والغوى من زمان=قطفنا زهرها ليالي قدايم سبحنا ببحر به الغي مترع=سهرنا بليل به الواش نايم ضربنا تلاع وفيهن ضباع=وضربنا حزوم وفيهن وهايم جمعنا دنانير ناس بناس=ولقينا خير الاصول الدراهم لا تحسب الغنى ردن طويل=ونكس المعاصب وكسع العمايم ترى الغنى في راسيات الجذوع=الى ما ادبحن السنين الحطايم ترى بالعذارى سواة المهارى=جنان تجاري على الشوق دايم وفيهن ملايح وفيهن كنايح=نسمهن بوجهك يشادي السمايم وانا حرت يا ابوك بين العذارى=وغديت بينهن مثل بايع وسايم هذي ما تبيني وذي ما ابيها=وذي ما توافق وذي ما تلايم الى صار ذي حالتي يا مجلي=فخذ علم عود لما قال عالم ايا عاشق كل عذرا مليحه=هنوف غنوج بخده رقايم نظرها كحيل وقرن طويل=وخصر نحيل له الردف قايم ومزيت ريقه عسى ما تفيد=واغضبت ربك بهتك المحارم تفوت اللذاذة وتبقى الندامه=سريع تكشف امور عظايم لا تحسب ان الخير درب الفساد=وولف البواغي وركب الجرايم وصف المحابس وزين الملابس=وركب العصايب وكسع العمايم ترى الخير في راسيات الجذوع=الى دلبحن السنين الحطايم غين ظليله ويطرب مقيله=وسمعك يمتع بصوت الحمايم توفر حلالك وتفرح عيالك=ويكثر نوالك بيوم الصرايم وجناي الارطى يقلب يدينه=الى شاف ورد على الجو حايم بهذا الزمان يبين الصديق=الى جار فيها ردي العزايم وانا اذخر رفيقي لهذا ومثله=الى جار نهار يشيب اللمايم صديقي عرفته الى ما لحظته=واميز عدوي وفيهم وسايم حجاجه وعينه لمثلي دليل=وغبي المعرفة فلا هوب فاهم ومن لا يميز صديقه وضده=فهو ثور هور يبي له ردايم ولا فاتني كل امر بغيته=ما احلى تعلي متون النعايم لقيت الاصول وجبر الكسور=وجود المراهم تراها الدراهم وأصلي وأسلم على اشرف رسول=عدد ما تهلهل حقوق الغمايم
ينبيك عن حقد القلوب اعيانها=فيها امتياز واضح با جفانها واعلم هديت ان القلوب شواهد=ينبي عن المكنون في كتمانها وافهم هديت ولا بليت بسيه=يفداك من حاشاك من عدوانها اني نظمت من النشيد جواهر=ممزوجة ما عوضة عنوانها نصح لقيدوم البلاد ونورها=وسراجها الموضي عمار اوطانها وافي الذمام ابو خليل ومن بقى=عندي يفادي الروح بميزانها يابو خليل اسمع وصية ناصح=تلبسك بالدارين من تيجانها عليك بالتقوى فهي افخر ملبس=تنجيك غدا من لهب نيرانها متحمل عز البلاد مشاجر=للضيف له تعبي غزير جفانها ومعفي حي البلاد بشيمه=بسهالة ترجى بها غفرانها ولاخير في قوم تشب وشاتها=تجميعها الجيران من جيرانها واخفض جناح الذل منك وواضع=للجار والله حسيبها سلطانها الجار جسر للحروب مبادر=ياما يصادم بالوغى غيانها واجعل لهم نص الكتاب شريعه=ينقاد كره ذيبها مع ضانها واجعل لهم بالوجه منك عباسه=وبشاشة لصلاحها في شانها فان جاك منهم لوقي بنميمه=فاعرف تراه طايع شيطانها اترك نباه وكن لجارك وارحم=يرحمك خلاق الملا ديانها فالى بعثت الى الخصيم رساله=اجعل مقاديم القنا شجعانها ومدادها نقع الجياد وطرسها=بسروجها عقبانها فرسانها وامكر وابغ ولو اعطيت وثائق=فالمكر بالاضداد راس امانها حتى يصير الضد منك موجل=متواضع طول الحياة مهانها وتصير عيلات الخصيم طرايد=ومقتل با وطانها شجعانها فالى بغيت الدار يبقى عزها=فاجعل على اوطانها حيطانها وحصن مبانيها وتم بروجها=كن البروج النايفات رعانها فالى استتم لها البنا فتمها=واجعل حمام القصر روس اخوانها هذي وصية من عليك معول=يوطي العدا فيما عناك فرسانها واسلم ودم بمعزة ومهابه=مستامن في امنها وامانها ثم الصلاة على النبي محمد=ما روجعت عجم الطيور الحانها
يا ابن نحيط اسمع جواب مهذب=جا من صديق واضح عنوانها من حارب آباك القدام وقال لك=بالصلح انا واياك من صدقانها فتراه عابي لك قليب مهلك=حذراك لا يرميك في صيحانها عدو جدك من زمان دارس=متجرع بغضاك طول ازمانها لو ناش دق الصيد منك حبايله=ما ذارها مستارد لسمانها وان مال اليه من الرفاقه واحد=خرب خفيف الروز من ذلانها نعجة كباش عند ذيب مجلل=تراه صفرا العين من صدقانها لو يوتليها ساعة وتفرغ=عقب الصداقة قط عظم جرانها والقرب من نار الصديق غنيمة=والضد حذرا من نعيم جنانها الله يجيرك من طبوع قبيلة=خربت بفعل المترفين اوطانها ما ينعرف لك ساسها من راسها=وكلت بها هيسانها جيرانها هذي عقوبات الزمان فكم ترى=من قوم اخلى مكرها بلدانها وما صلح الا عقب جر جنايز=وجماجم تهفي وعقد ايمانها فالى حصل هذا فواسل بينهم=حتى تطيع احلامها هيمانها والضد ما خلى البلاد بملقه=عينت ربع طاح من ريعانها يا قوم موسى كان في ماض مضى=قاتل وحنا قاضيين مكانها عندي على هذا الحديث جماعة=بدو وحضر حاضرين ازمانها ذا والصلاة على النبي محمد=ما غنت الورقا بروس اغصانها
يا مجيلس تحت داري راري=ما راري حمارك اخير من حماري
يا من يبدلني شعير ناصح=برهيقلي يشبه عراقيب القطا لـ امي قريص ما يعقب كفوفها=الزين هو والشين عند امي سوا
يا مجلي تسمع لعود فصيح=فاهم عارف فنون العرب افهم من عليم مجرب حكيم=باخص بالذوارب ومكوا النكب انذر اللي تدانا بقرب العجوز=تذبحه والنسم مثل فوح اللهب من تجوز عجوز فهو نادم=لو يفرش ويلحف ثمين الذهب ما خبرنا يساهر كود القريص=جعلها الله تساهر على أية سبب بطنها ملتوي مثل بطن المعيد=ما ما على وركها ما يرد الحقب لا مشت مثل قوس حناه الستاد=مايل راسها كن فيها رقب دايم بالدجى صدرها له فحيح=مثل شذب النجاجير صلب الخشب المره لا عقب عمرها الاربعين=وراسها في بياض المشيب اقتلب احفر لها حفرة بالثرى عمقها=قامة وارمها واثن منها الركب وادفنها دفنة الجيفة الخايسه=لا تروع ترى ما يجي له طلب أي قرب العجوز واي بنت رهوز=النواهد ركوز زهن الملب عينها عين ريم جفل واستذار=نافر شاف زيلة ظعون الصلب والراديف زمن والخواصر هفن=والعجيب العجيب لا رميت السلب بين هذي وهذيك فرق بعيد=مثل ما بين صنعا وديرة حلب
يا مانع واطلب للخاطر=بافعى في الدرب اللي راح لكن الطايه من عقبه=مراح شياه سراح الله لا يبلاك بسيه=يبلاك بواحد فلاح يعبي للتمره ناب ذارب=مثل المخراز اللي راح اطلب وارجي وادعي وامن=عساه ونسله للماحي وجلده يذرى مثل الجمشه=ما يستلقيه السراح يعبى له زرنيخ ونوره=ومكراد ما وطا طاح اما يعطب وهو المطلب=والا يظهر جلد صاحي
يقول حميدان الشاعر=فانك تلقى عايف روحه والا تلقى عايف عقله=لو هو فرجة مفتوحة مانع عندي ومقابلني=مثل كلب في منفوحه لا عاوني ولا ابعد عني=مثل ذيب مد بشوحه دور رزق الله بأرض الله=بالغدى والا بالروحه مثل ثوب ما سترني=يظهر مع شروحه
يتردى ما يدرى ويجود ما درى=ويجي له كرمات على غير قادي
ياش في راسي له رنه=كنه يومي به دوار ان قمت فلا بد الونه=والممشى كني بهجار اشبه ثليب في العنه=وان شاف المرعى ما ثار وسنوني كبر طاحنه=واكلي نتش بالاظفار يا ويل مخل بالسنه=وفي فرضه كنه نقار الصدق خطام للجنه=والكذب خطام للنار
يقول الشاعر الحبر الفهيم=حميدان الملقب بالعياره جواب يفهمه من هو ذهين=وشطر في سنوده وانحداره فكرت وحرت بالناس اجمعين=وميزت الفزار من الخباره اشوف الناس عدوان البخيل=وخلان الصخي راعي الخياره ياليت الرزق كله للكرام=عزيزين النفوس بكل شاره ولا شفت الفهد رزقه يفوته=وكم ضبع وقع رزقه بغاره فلكن قسم ربي في عباده=اله جل في عظيم اقتداره الى جاك الولد بيديه طين=وله غرس يحفر في جفاره ترى هذاك ما ياخذ زمان=الا وهو جامع له تجاره والى جاك الولد مطرق خليج=ومن نوم الصفر غاشي صفاره يبيع ورث امه وابوه=مدق ما تعشيه الفقاره فاحذر يا اديب تحط عنده=لك بنت تموت بوسط داره والى جاك الامير ضريس يسحن=وينفر ما تضاعف من جواره ترى هذا ينفر مايولف=ولا للجار عنه الا النياره والى جاك الامير به حميه=ويثني دون جاره باقتداره ترى هذا يولف ما ينفر=ويكبر عند كل الناس كاره وبالحكام مفتخر كبير=الى شفت زوله تقل قاره سمين للصحن لو هو خروف=يدبر مار تدبيره دماره جبان ما يصادم له ضديد=ولا يوم صخا كفه بـ باره خفيف عند ربعه والجماعة=يعرفونه أخف من النجاره يفاخر بالملابس والمواكل=مبخرته على راسه كواره ينام الليل هو والصبح كله=وقلبه بارد ما به حراره ترى هذاك ما ياخذ زمان=مقلع شيحة ما به قراره وبالحكام من هو يسوس ملكه=من العدوان عن سرق وغاره يسوس للملك بقلبه وعينه=ومقصوده عماره عن دماره سواة الليث جزاع عنوف=يسوس للملك ما يفتق خداره يزور الضد بجموع صباح=بواديها ومن يسكن دياره للصدقان ألذ من الفرات=وللعدوان أمر من الخضاره الى من البدو داسوا كمامه=يخليهم جثايا بالمعاره وبالتجار حراز بخيل=يرابي به يبي زود التجاره وهو مجهد يجمعه لغيره=وماله حافظه جود صراره يجيه الوارث اللي من بعيد=وهو يقدم على الله في اوزاره فطلاب النوال من البخيل=كطلاب الحليب من الذكاره ومن التجار من يذكر بخير=صبار على كود الخساره ومهال على المعسر بيسره=وجيرانه وضيفه والحطاره ترى هذاك يدعى له بخير=وينجيه الوالي من حر ناره لعله عند تفريق الحساني=كتابه في يمينه عن يساره وبالعبيد من هو دون عمه=وداشرهم فلا يسوى حماره يموق الى شبع وان جاع يسرق=وكيفاته الى شم الكتاره وبالنسوان من هي شبه صفرا=ولا بالشبه تعرف مهاره وبالنسوان من هي مثل باقر=ولدها بين فيه الثوارة ولا للبوم يوم شيف صيد=ولا ذكرت بقره بالمعاره وبالنسوان من جنس الفويسق=ولدها جرذي من نسل فاره وهذي من اله الناس قسمه=وطبع العبد ما هو با ختياره وصلى الله على سيد قريش=عدد ما جاوب القمري هزاره وآله والاصحاب ومن تبع=عدد ما لاح بالمشرق نواره
