يا مل قلب قزا كنه على ملة=يكفخ بصدري وشدنه معاليقه
اضحك مع اللي ضحك والصدر به علة=اضحك بسني وقلبي ممتلي ضيقه
اقنب قنيب الضواري فوق مقتلة=جو من الورد دراس طواريقه
خطر يجيني على غض النهد خلة=الصاحب اللي كما ذوب العسل ريقه
ابو جديل على دمث النحر هله=ما له جدا كود تكديده وتفريقه
كتف وردف وزين كامل كله=وعنقه مع الزين يزهنه خنانيقه
ابو نهيد فنيجيل على حله=وبريمه في الحشا على تفاريقه
غرو مليح جمع زين الملا كله=انشد غريم الهوى وانشد عشاشيقه
قالوا تدين وقلت الدين لا والله=الدين عن نابي الردفين ما اطيقه