يا العين لك بالهوى لفتة=ما انت على دين الاخوان
هو معجبك واحد شفته=عوده من الزين ريان
شفته وحفته ووالفته=قفا بقلبي وخلاني
الاوله ليت ماشفته=والثانية ليت ما جاني
والثالثة يوم واجهته=جذ المعاليق وابكاني
الكحل با لعين سايجته=كن الهدب ريش غربان
والقرن الاشقر منسفته=ياتي محاقيب وبطان
والثوب بالزري ناقشته=كنه مساحيب ديبان
والردف للثوب شايلته=الحجل بالساق رنان
والنهد للثوب شايلته=كنه طلاليع رمان
يا مل قلب يبي عفته=يا ما عذلته وعياني
يا راكب اللي بعيد الخد يطونه=حراير من ضرايب جيش ابن ثاني
من الثميله لدار الشوق يمسنه=لا روحن بالوصايف جول غزلان
تكفون يا اهل النضا سجوا عليهنه=سجوا ولجوا وصيور العمر فاني
لا بد من خرقة بيضا على السنه=والموت من قبلنا ما عاف راكان