فاطري خبي خبيب بروجاني=واعذابك وان طرا خلي عليه
ما معي كود المشوك والاماني=الخوي اللي يفرج عن خويه
عل يفدا فاطري ولد الهداني=عل يفدا فاطري مزعل خويه
وان تردت فاطري والليل جاني=يا هلي حطوا على قبري بنية
حالف ما انسى وليف ما نساني=كود بدوان العرب تنسى النسيه
او يروح الجدي لسهيل اليماني=او يحدر ظلم يم الجندلية
غصن موز ناعم بارض طمان=دونها الحيطان وغروس قويه
من نشدني قلت ما نيب دعجاني=من يمش الوسم من خد المطيه
ما تعودت العطا وما احد عطاني=كود(ابن ماضي) ومعروفه عليه
واهني اللي يسوقون السواني=يشربون الما وانا كبدي لظيه