أ
العبد ماله عن المولى وتدبيره=ينوي وربه يسوي كل ماكان
هذا (البكب) لا تحنه في محاديره=عشق على واحد وغير له بثاني
توه جديد ولا غير مساميره=مكينة صاغ من شغل المريكان
قرب لنا ديرة وبعد لنا ديره=يا قرب ممساه من مدعوج الأعيان
أ1
الخيل تحمس علينا حمس=والهجن للرمي تنقاد
يا البيض يا مخضبات الخمس=شومي لبرجس وابن هادي
يوم جرى للنضا قبل امس=في لبة العرق من غاد
ر
راكب اللي لا مشي مثل السفينة=وان عدا يسبق معاصير الهبايب
موتر وان حركوا فيه المكينة=يا صل اللي من بطاه الراس شايب
صاحبي في نجد وانا با لمدينة=دون خلي بركن عوص النجايب
كم هنوف عند اهلنا خابرينه=ينثر العنبر على شقر الذوايب
ف
فاطري لا من نوينا بالنكوفه=فاصبري والله يثيب الصابرين
روحي بي جعل روحتك مخلوفه=فرحيني جعلك الله تفرحين
عاد لا فاطر ولا انتي بمعسوفه=شمخ النابين مثل الشوكتين
كود من عرقا على كبدي نشوفه=ناصله قبل النكوفه بليلتين
سعد ابو من فجره بعد محلوفه=وادرك المقصود من صافي الجبين
وان عطاني صاحبي شفت معروفه=وان فهقني صاحبي فمتلاحقين
حبة الصفطان مهيب معيوفه=والغصايب حبها مهوب زين
ل
لولا الحيا لا شرف اللحلوح=واجاوب الورق بالنوح
صندوق قلبي غدا مجروح=لا عاد يصغي ولا يوحي
عليك يا الصاحب المملوح=يا اللي لك القلب مفتوح
يا اللي جروحك بهن مزوح=عذبتني يا بعد روحي
ما عاد لي منكم مصلوح=زدتوا على القلب بجروح
جفيتني يا عويض الروح=يا وين ابغدي وابروح
و
وا هني اللي على (فرت) جديد=يقطع الفرجة الى عمد سرابه
من دياره لافي صافي الحديد=ماقضبه مهندس صلح خرابه
كل ما عشق له بنمره يزيد=ما تعرف اشجار نجد من هضابه
من (عشيرة)سارحين بامر سيدي=ومن قصر (هكران)ناخذ له زهابه
والعصر ممساه بديار بعيد=في الوشم سقاه ربي من سحابه
وصبح باكر شايف ظبي الفريد=من سبا قلبي بعوراجة خضابه
يستريح القلب من كثر الشديد=همي اللي دايم يجلي عذابه
ي
يا الهجن شلن بنا شله=يا مكسرات المصاليب
واسرن بها ليلكن كله=واردن بنا مارد الذيب
ولد الردي لا تشيلنه=ما له عليكن مواجيب
الصفحة الرئيسية