اثر ركب البكس في الدار البعيدة=عندي احسن من ركوب الموجفات
لا حصل سواق والعدة جديدة=والمكينه صاغ وا بعد المبات
كن رجاف الرعد رنة حديده=والمواتر حادره ومسندات
ينشرون الصبح من خشم الفريده=حقة المكموم والممسى مرات
يا جميل ارفق عليه ولا تزيده=شف علامات الدفينة بينات
لو غدا دربيلكم ما هو فقيدة=الفقيدة قدم شهر الحج مات
يا اهل الهجن صابتني (هلل)=واحسب الموت ما يقرب مداه
قربوني خبيثين العمل=لين شفت البريم في حشاه
يوم شدوا لها فوق الجمل=اشقح اللون سمحاة خطاه
وانشد الربع قالوا لي (نزل)=يم (ماسل) مقيم فوق ماه
ليت معطان (ماسل) بالسهل=بين خشم الحذني والوطاه