يا ذلولي مع رقاق الحزم شلي=وانحري بي دار منبوز الردايف
انحري بي دار من هرجه يسلي=يبري الوجعان من غب النكايف
يا سعد يا خوي ما عينتوا اللي=نهدها وصف الفناجيل النظايف
زل عيدين وانا ما شفت خلي=دونه الصمان وخشوم النوايف
كور سمحه با لمخافة مزبن لي=واتزبن كورها وان صرت خايف
الرديف من المحاصر ما يمل=جالس كنه على زل القطايف
ناشرات من الحسا وقت المصلي=والعصير معشيات با لحظايف
طلحة المحواز ما عينت يا اللي=صاحبي حسن النبا زين الوصايف