ابهى من الجوهر اللعاج=على نحر كل مزيونه
ابو جبين عليه التاج=فيه الحجاجين مقرونه
يا زين ما للعليل علاج=الا ان سمحتوا تداوونه
لو انك اظلم من الحجاج=في حبك النفس مفتونه
يقول الزين مالي بالفقير ولا ابغي الجمال=ولا ابغي شاوي يسرح صميله قطع متونه
ولا ابغي كالف يطرب الي من لجلج المحال=ربيع قلوبهم عقب العشا ثور يسوقونه
وانا شفي غلام مولع قلبه بجمع المال=يغبن الناس في كل المعاني ما يغبنونه
يا زين فرع وقض الراس=خل الأزارير دلاعه
ودي بشوفك يزول الباس=واملا النظر منك ولو ساعه
شربت حبك بغير قياس=وصارت لك النفس خضاعة
كل شرب بالهوى له كاس=وانا معك حيلتي ضاعت
لولا الهوى وش حياة الناس=كل الهوى القلب مرباعه