يا اهل اللقايط وين درب العوينة=با لله دلونا ترانا غدينا
نبي عشير تو تمت سنينه=ومن عام الاول حبهم مبتلينا
واقدامنا حارت علشان عينه=والله يا لولا صاحبي ما عنينا
لكن تكبر شاف حبه وزينه=يا روح روحي لا تكبر علينا
لك حق تكبر والسبب عارفينه=وانا اشهد انه عملنا بيدينا
قلبي تولع بالهوى الله يعينه=تمضي حياته با لرجا والونينا
وقلت اه من قلب تبيح كنينه=على عشير داله ما يجينا
يا ناس وين القاضي اللي يدينه=قاضي يشكينا ليا من شكينا
يقضي لنا بحب الخدود وجبينه=وليا حصل حب الخدود اكتفينا