لي صاحب ماقف طويق مقره=بين الخشوم النايفة والزبارة
يا لله عسى دهم السحايب تمره=تنثر دقاق الما على جال  داره
حيثه سقاني من ثناياه مرة=وقطفت من بستان غالي ثماره
خيره لغيري وابتلاني بشرة=واللي سلم من شرهم ويش كاره
واصبحت كني مالك للمجرة=لو اني اذكر عقب هذا زيارة
ابو ثليل كل يوم يشره=وباقي رشوش مجدله في غضارة
يالابس الثوب الحمر لاتزرة=بالك تزره يا ظبي الغتارة
على مثل بيض الحمايم تزرة=مخالط غير البياض بحماره
والمهتوي طرد الهوى مايضرة=ان صاد والا ماخسر به خسارة