تل قلبي من اقصى ضامر الروح تله=نشت الحال من عقبه طواها الهيام
 قلب يااللي   يتذكر في الهوى صاحب له=بو قرون ذوابيها تعدى الحزام
كن قلبي على الملة عشيري يمله=لا طرى لي عشيري ما اهتني بالمنام
بو عيون هدبها فوق خده مظلة=مجهمات تشادي ريش ربد النعام
وخدها كنه البراق في مستهله=مزنة من حقوق السحب فيها كتام
عين ياللي على شوف الحبيب مغلة=يا وجودي على راعي النهود الزوامي
نابي الارداف صافي لي وانا صافي له=كامل الزين ما وقف بدرب الملام
شبه خلي خشيف والحجر مدهل له=خشف ريم رثع بقفول خد وسام
يانديبي الى جيت اريش العين قل له=قل ترى الحال نشت مابقى الا العظام
كيف انا بالبحر والترف نجد محله=حيل بيني وبينه وارمسن العلام
ليت من شافني عقب البطا طارش له=واتيسر لداره مع ربوع حشام
شوف خلي طماشة صاحب ما نمله=وكل من حب خله ظنتي ما يلام
ما حلا شربه عقب البطا مبسم له=من ثمان تشادي قحويان العدام
شربة من ثمان الزين نشحه وعله=كوديبرض ضميري عقب مانيب ظامي
ول يا لايم المفتون في حب خله=جعل يذكر مريض طايح كل عام
او هليك بغبة ميت عن هل له=طابع محمله بالريح والموج طامي