سقى الله مرب الزين من حد الاسهال=هماليل وسمي تقفاه غربية
سقاه الولي من مدلهم الى انجال=فيه الطها مثل المغاتير مركية
خباريه تتنى الحول للريم مدهال=بطاحيه حسيان وعشبه على ريه
انا يا بو وايل طقني نايف الجال=غريق يجرونه على جال مطوية
طويت الرجا طي الرشا فوق محال=طواه المصدر لية فوقها لية
وانا يا سليم وش اسوى بقتالى=شبابه لغيري والحسايف غدت ليه
وانا يا هل المجمول يطري على بالي=اجي عندكم حتي تعرفون وش فيه
يا بو بطن مثل اللوح ماكتب به دال=ولا كتب فيه البسملة والالهية
متي هقوتك يردون الاسلاف نزال=حاديهم من الصمان لا هوب قيضية
عسى يردون (جوي) وانا على حالي=عجوب لعوب كل فن يجي فيه
وانا اللي شفت الحبيب هوي بالي=اجيه بنوالخير كوده يقول ايه
اجيه بطمانين وابين له الحال=على حاجة مني ولا ناقص شيه
ياناس ما احد دري وش باري حالي=الا اني انقص ولا تدرون وش فيه
اسباب مابي نطحني طيب الفال=ابو ثمان ثنايا بعود الراك مجلية
ساعة نطحني دمع العين همال=واقفيت واقفا وفيه العين مبلية
ابو ثليل على الامتان ميال=ومعمله لية حطت على لية
عزي لحالي وانا ياناس عزا لى=والكل به علة بالصدر دخلية
يلومني في عديم الجنس جهال=ما شاف ما شفت في هاك السنافية
اهل الحسد جعل ما يبقي لهم تالي=يا لله عساهم يشوفون المحقرية
يا دانه ما جلبها كل دلال=لاهيب هدو ولا من السوق مشرية
غدا بها واحد مهوب رجال=مع شين طبعه موريها المحقرية
ياونتي ونة اللي فجع بالمال=والا صويب رمي بارض خلاوية
قفوا ربعه وراح الجيش زرفال=في قاعة الورك مضراب الامانيه