أحب من حب سيدي واستغيض اللي يغيضه =والى نشدني بغيضه قلت ما عندي علوم
يا عيني ياللي مطاولها السهر وامست مريضة=ازريت اميز وجعها هو رمد والا هزومي
يا زين ما جيت ادور عندكم شرع وفريضة=اضفوا على جناح الردن من لفح السموم
يا بو جديل على الامتان يا ما احلا قضيضه=الى نقضها جميل الزول من عقب اللحوم
كن العواتق رقاب المزن يوم اقفا نفيضه=والا القمر في الصحو لين اتجلت عنه الغيوم
سلام سلام ياجرة قدم ثلاب سلام=سلام لوكان جرة ماتردين السلام
سلام يا محمل اقبل ببنداره وخدام=تفداه نمر السرايا من سروق ومن حرامي
يا مل عين تلد خلافها والدرب قدام=ان كان تمت على ذا الحال يا ما اطول سقامي
ويامل قلب من الفرقى يحن ويرزم ارزام=ارزام خلج طلوع سهيل يوم القيظ حام
يسقيك يا الديرة اللي مابعد جيتك من العام=واليوم مرت بي الغربة وابرد السلام
قلت اقهر الزمل اوادع قال هيا الدرب قدام=الله لا يرحم الجمال مدهون الرسام
ان مت ياهلي تراني عند ابوخمسة عشر عام=اركى على الكبد حد ماتوقيه العظام
انوح عامين واسلي يوم وابكي عشرة ايام=مليت لو محزمي زين البوازم واللزام
يا من سميه لجا بين الليالي وبين الايام=اقفاية الليل واقبال النهار من الاسامي
والاسم الاخر يذكر بالمدينة بندر الشام=ما بين جدة ومكة ما يجي درب المظامي
يا ليت واياك ياثلاب لاما لو مية عام=لو كان بالقبر عظمانك تلا يمها عظامي
يا هلي ما انتمب في برجاوية=سرقلت حالي وبالعود سلال
اه يا قلب الخطا فيه مارية=وان عذلته بذني بالتولوال
اطلب الله واتوجد بهيفية=تودع المجزي عن النفد ينجال
تجمع العربان فوق الحفر ليه=واتحلى صاحبي سمح الاقبال
بو ثمان كنها لا ضحك ليه=قحويان في عذيات الاسهال
كن خنة عاتقه في الجزارية=عنبر جابه من الهند دلال
ليت اهل (شفيا) يجيبونها ليه=تسعة اشهر ما يطرون حوال
كن سيقانه دراريج مطوية=والردوف معزلات تعزال
حبني يا بو ثنيات مجلية=رصني فوق النهد رصة الغالي
هد في زرع الضماير تهامية=كنها من بين الاضلاع تجتال
عام يا عايض على هلة الضحية=ما بعد شفت الحبيب ولا جالي
حالف ما اهاوي المعشرانية=كل من جاها تقول انك الغالي