كل ماجيت اعذل القلب عياني=منتحي ما يطاوعني ويوحيني
منتحي مع هوى نجلات الاعيان=من تولع بهن عدوه مسكين
ان ضوى الليل كل الليل سهران=وان بدا الصبح ابي درب يوديني
لو بغيت اتخلص منه ما امداني=صابغ حبه بقلبي من سنين
كل ما قلت اباسلى عدت له ثاني=كامل الزين دون الناس مغريني
شلت فنه على زينات الالحان=واتغنى على مسحوب وهجيني
نور خده مثل برق تعداني=والعيون النجل تذبح وتحييني
يوم صرت جميل لا تحداني=عيني اللي تعرف الزين تشقيني
ليتني سالم  وربي اذراني=ما عرفتك وفي دنياي ملهيني
حسبي الله على زين بك اغراني=من عرفتك وانا نومي مجزيني
يوم انا مولع بك في ها لاوطان=ربي اللي عطاك الملح والزين
من مشى صحبتك في السوق غلطان=عودك اللي تهصر يلفت العين