أ1
أنا اقول يا ستار زل اول الليل=تعدى اوله ما بقي الا قليله
ترى الليل ما يصلح بليا تعاليل=تعاليل يبرن القلوب الغليلة
انا اللي جرى لي في حياتي غرابيل=غرابيل يدعن الدقاقة جليلة
الا ياعيوني هللي الدمع بالحيل=عليك القصيرة ياعيوني طويلة
الا واعناي من الليالي المقابيل=ليالي على الحمى تزيدالمبلة
خذ القلب واودعني سواة المهابيل=حسين النبا اللي نافل كل جيله
ملكني هوى راعي العيون المضاليل=وانا من قبيلة والغضي من قبيلة
صغير النهود اللي سواة الفناجيل=انا ماذبحني كود ظافي الجديلة
نويت السفر يا الله عليك التساهيل=ابمشي وحالي من فراقه عليلة
أ2
ألا ياعين هلي دموعك ياشقية=على عصر مضى لي الا ياعين هلي
انا المغبون انا اللي عمايه من يديه=الا واعزتا لي انا المغبون انا اللي
متى علمي بخلي شهر عيد الضحية=الا واهمالالى متى علمي بخلي
الى صفيت اصلي طرى خلي عليه=يهوجس فيه بالي الى صفيت اصلي
وهو عزي وذلي ولا لي مقدرية=ولا يعلم بحالي وهو عزي وذلي
ولا ني مسفهل عقب صافي الثنية=الا وا طي حالي ولاني مسفهلي
بغيت ولا حصل لي مواصلة خفية=وصل غالي لغالي بغيت ولا حصل لي
ذبحني بالتغلي له عزوم قوية=يقول الوصل تالي ذبحني بالتغلي
ليالي قدمضن لي سنين الجاهلية=ابي هاك الليالي ليالي قد مضن لي
ك
كريم يا بارق صدق خياله وانتثر ماه=عساه يروي خباري اللي شربنا اليوم منها
يا شوق يا اللي حدر ما ادري هنا والا هنيا=ما ادري حدر من علاوي اسمها سجيت عنها
الياجيت انسى عديل الروح تطري لي محاياه=عودت له مرجع العين في شوفه فتنها
ل
لا جزيت بخير ياذاك الشعيب=كل ما مريت من عندك بكيت
اذكر اللي قد مضى وانحب نحيب=ليتني باقصاك ما بعت وشريت
المودة جرحها جرح عصيب=وانت يامضنون عيني مادريت
ليت زولك عن عيوني ما يغيب=اشهد اني في المحبة قد بليت
ي
يا ناس قولوا لغض العود=تكفون يا ناس قولوا له
ما اشوف له من عذابي زود=كثر التصاديد وش هو له
ابو ثليل اشقر مرجود=اسمع بذكره ولا اطوله
وعيون نجل هدبهن سود=يذبح بهن من يجي حوله
يا كثر الازوال بيض وسود=ماهم بمثله ولا حوله
عقب المودة جفا وصدود=ما شفت زول مثل زوله
ان مت ابالقى عليه شهود=عنقه وخده ومجدوله
اسهر وكل العيون رقود=اليا تباطيت مرسوله
يا زين حبل الهوى ممدود=لكن سجاياه مجهولة
الصفحة الرئيسية