أ1
البارحة ما امسيت واكبر غلي=وعزي لمن مثلي غدا رايه اشتات
ابكي خفا ودموع عيني تهل=واسهر طوال الليل واجر ونات
يا راكب حمرا زهت كل دل=تزهي الدويرع والمعاني كليفات
حمرا علي قطع الفرج ماتمل=تجعل مسير العشر ثلاث ليلات
ملفاك شيخ لا لفيته يهلي=ريف النضا وان جن حفايا وهزلات
تلقاه في قصر طويل متعلي=عطه العلوم البينة والخفيات
ياديرتي فرقاك ماهو هوى لي=مير القلم يكتب علي غير مشهاة
حبك صبغ بالقلب مايضمحـل=ياكود في فبري ومن عرض الأموات
في ديرة ماخاطري مسفهل=يالله عسى حقه من العز مافات
عسى السحاب الي ترزم وهل=يمطر على هاك الخشوم المنيفات
عساه مع هاك المسايل يزل=بهاك الفياض وهي مداهيل ريمات
أ2
آه في قلبي عوى ذيب الهوى=في الحشا سرحان يقنب بالعويل
عونة الله للذي جسمه ذوي=من هوى الخفرات والهجر الطويل
صاحبي لا من مشي ثم التوى=أه وا عزاه للقلب العليل
ب
بالله يا طير يا للي=طرد الهوى ما درى به
ابلغ سلامي لخلي=وارجع علي بجوابه
الوصل منه شفا لي=هو الدوا وا سفا به
اصبر على ماحصل لي=لو كان طول غيابه
كانه نوى يستغل=يسلم ويسلم شبابه
ر
راكب اللي مايغرز بالنفود=لايبي دف ولايمشي وراه
سارح الصبح من عند الحدود=والعصر نقرة دحيم والصفاة
شفت براق نهض يم الحدود=جعله بوسط الرياض يهل ما
س
سلام ياعين الغزيل الى سج=يا خشف ريم عاودت عقب هجــه
يا اخو فهد لا حرك الباب وانهج=انهج قلبي تسعة الآف هجة
عليه دمعي كل يوم تزعج=تزعيج موج للاحيمر يزجه
يا لايمي يضرب براس المزرج=مشلشل بين الأباهر يخجــه
متى متى عسر الليالي تفرج=يسج سجاجي بقلبي يسجه
ل
لا وا هني الصقر لا من بغى طار =على الجناحين ما يبغي ركايب
العيد جاني وخلي نازح الدار =وانا بديرة ملوين الصلايب
والله لولا حكايا كل عيار =اللي يحط النمايم له عجايب
اني لاعود ورب البيت غفار =والحج ما اقضيه كود الراس شايب
ي1
يقول مهموم وصدره ضاق=يضيق صدره عقب اصاحيبه
ولا يذوق النوم عقب فراق=متذكر عالي مراقيبه
الموتر اللي ناض به براق=قفا مع البطحا وعيني به
بالله عليك الهون يا السواق=اشوف من ربي بلاني به
يفداه من حط الحرير رواق=ويبوك وسط السوق يمشي به
ابو مبيسم يذبح العشاق=في مفرع الحله ضحك لي به
ابو جديل يكسر المفراق=والمسك والريحان غذي به
يمشي (يدك) يحول ماينطاق=يدق سرواله عراقيبه
الصفحة الرئيسية