عديت انا رجم صعيب معداه=رجم على كل المشارف منيف
ساعة رقيته قلت وا عزتالاه=عز الله اني من حياتي معيف
خلي زرع في القلب زرع وخلاه=واشوف زرع القلب بادي يهيف
ويلاه يا لايم على الحب ويلاه=عساك تبلى لك بحب كليف
عزي لمن هو يااريش العين عناه=قام يتخبط بالحصا والشظيف
ذهبت اشوفه ولا شفت انا اياه=وقفت عند الباب كني طويف
قالوا تردى والردى فيه شفناه=مر يشال ومر يمشي زحيف
رقيت بالحدبا والاي اسمع نعاه=يجر له صوت قوي ضعيف
قوي على قلبي ضعيف مناياه=من حسن خلقه مابحسه صليف
واقول ياللي حرق القلب ببكاه=لاتبك ان القلب يمك صخيف
لو ان طبك يوجد كان جبناه=الطب عنداللي بحالك لطيف
يا خل ياللي كل ماجيت ابانساه=دلا يجي له في العيون تخطيف
ياخل ياللي ميت ما حضرناه=ياكثر ماعقبك يجينا تحسيف
الله لو اني داري ما اتعداه=لو يعترض دونه عساكر شريف
ياليت من هو شايفه قبل فرقاه=ما طاع من هو بالمروة قصيف
ياللي تقول الى تزوجت تنساه=خذني وانا لك في عشيرك خليف
والله ما بك شارة من حلا ياه=عقله ثقيل وانت عقلك خفيف
انت جبينك كنه حران مسحاة=وهو جبينه مثل بدر نصيف
انت اطفح وهو صغار ثناياه=خشمك متين وحد خشمه رهيف
لو الجدا شين صبرنا وجمضناه=ما عذرب الاجواد شين عفيف
لكن طبعك مانفسي بتشهاه=ترخى الغطاة وتلتفت بتعصيف
هزك ابليس وقال لك كنك اياه=منتاب مثله ما لخلي وصيف
مير انقهر ما فيك من خلي اشباه=عود على الغراة ما انتاب عريفي
انا عريفي في (ام قصر) دفناه=في حفرة ردوا عليه الكشيف
ياصبر قلبي عقب فرقاه صبراه=يا جابر تجبر عزاي بوليفي
ياكثر حبه في الحشا اعوذ بالله=ما صار حبه نار صار تخريف
حب ورحمة مع مودة وماواة=منه انطوت حالي وقلبي ضعيف
احب انا حكيه وذكره وممشاه=كنه يغرف من حشاي تغريف
يالايمي في الحب ويلك من الله=لاصار قلبك مبغض لاتحيف
عيني يا للي من الفرقي تهل وتعبر=ناموا الناس وانت يا عيوني حزينة
قمت اهوجس بليلي يا هلي واتفكر=من تولع بحب البيض يكثر ونينه
شفت برق ينوض وقلت ذا الوسم بكر=واثره ذاك الحبيب يوم يوضي جبينه
خمسة ايام يالمجمول عيت تقزر=ما بكن الدهر مرت علينا سنينه
عقب ولف المودة كن خلي تنكر=ازهمه بالجواب وكن هرجي رطينة
صاحبي وان طلبته حبة ماتعذر=وان طلبته وعيا فحوبتي بتحينه
هيه يابو نهيد في الحشا ماتكسر=مثل وصف الزبيدي ما لهجها جنينه
يوم شفت الحبيب يلتفت ويتدنجر=ذكروني الحمام بمشيته مع زنينه
خطر السطح من ممشى عشيري يتهصر=يا الله انك تعينه من ردوف تهينه
كن ريق الحبيب فيه عسل وسكر=اوحليب من المسح البكار السمينة
يوم قفا وليفي قلت انا الله اكبر=بنفارق عشير ديننا مثل دينه
قصر القلب من طرد المزايين قصر=كود يلقي عشيره او عساه او قمينه
وذبحني الصبر وانا عليه اتصبر=حسبي الله على اللي حال بيني وبينه
صاحبي لا شمال ولا جنوب يذكر=لا سكن في القرايا ولا نزل في القرينه
قال راعي القيل في عرض قول له=راقي عند الضحى راس ما طال
مبطي في ضامري كامي علة=صابرلله على دبرة الوالي
قالوا انت مصخن قلت لا بالله=ما بلاي الا المودة برت حالي
يا علي من زرتكم صابني خلة=ليتني ما جيتكم كان اشلا لي
يوم جيت وشفت ابو قذلة هلة=عقلي يا صاحبي بين به هبال
يا وجودي وجد من فارقه خله=صايبه من هايف الوسط سلال
لا يميل الجدر يا سالم افطن له=لا تقل لي باكر مال ما مال
دونكم عيوننا والباب محولة=لا تحسبوني عن صويحبي سالي
ما ترد القلب يا راعي الدلة=ماتردالقلب في الجفشر الخالي
جثتي عندي وعقلي معك كله=ما بقي عندي ولا ربع مثقال