من ضامري جريت لي ونة=والحقتها بعواك يا ذيب
يا ما خذن قلبي وخلنه=وش عندكن يا الرعابيب
وقرون شقر يوم يضفنه=ومجدله بالمسك والطيب
ونهود للثوب شالنه=سبحان خلاق التعاجيب
ترى الهوى ما عاد له فنه=لا صار ما هو بالمواجيب
يانسيم الهبايب خبري وين خلي=خبري وين خلي يانسيم الهبايب
خبري وين راح اللي هروجه تسلي=خبري وين راح اللي هروجه عجايب
يوم شفت الركايب قمت ارحب واهلى=قمت ارحب واهلي يوم شفت الركايب
شد مظنون عيني شد ماهو هوى لي=اه لا عاد يوم فيه فرقى الحبايب
سيد كل الحبايب مرة جا محلي=مرة جا محلي سيد كل الحبايب
مقدم الراس شايب من فراق السجل=من فراق السجل مقدم الراس شايب
جعل وبل السحايب فوق داره تهل=فوق داره تهل جعل وبل السحايب