عديت في مرقب غنى بركنه حمام=واثر الحمامة تهيض القلب بلحونها
سلام ياللي تبون اللعب مني سلام=واثني التحية على اللي يستتحقونها
من لامني في الهوى ومرودعات الوشام=جعل النصايب على قبره يرزونها
ابو نهيد صغير مثل بيض الحمام=مثل الفناجيل بالدير يعدونها
يا رحف قلبي عليها رجاف طي المقام=او رجاف خيل على الحاكم يعنونها
يا بري حالي عليها بري عود الثمام=وقع عليها الجراد وطار بغصونها
ويا ونتي ونة اللي دش بحر الظلام=يبغى المراكب وحال الموج من دونها
يا زين ما ترخص الحبة وترخي اللثام=حيث انها لا تبين ولا يقصونها
حب اريش العين وقع في ضميري وحام=والحب الاخر على كبدي ومن دونها
حلفت لا نهب عشيري لو بوسط الظلام=لو ان عبدالعزيز وعسكره دونها
يا زين يا للي سبى قلبي بحسن الكلام=سبي بيوت الغنية يوم يا لونها
يا داخل السوق ما عينت ظبي العدام=ما ريته في البلد ماشفت انا لونها
ابوجديل تهلهل مثل ريش النعام=يا صل ردوفه الى دلوا يعملونها
ياصلك يا  صاحبي مني ردود السلام=يا صلك مع ذا الهبوب اللي جرى عونها