| دردشات | ساحة طار | ديوان حميدان الشويعر | ديوان السامري | ||
| بطاقات | منوعات أخرى | معلومات و قصص | الشعر الشعبي | قصص صوتيه | اناشيد |
|
قصائد سامرية للشاعر ابن لعبون |
|||
| الشعراء والشاعرات | |||
| القصائد بالمطالع | |||
| القصائد بالقوافي | |||
| قصائد مختارة | |||
أ
ألا يابارق يوضي جناحه=شمال وابعد الخلان عني على دار بشرق البراحة=تمخلت ما بها كود الهبني لكن بها عقب ذيك الشراحة=الى مريت ـ باسم الله ـ جني يفز القلب فيها للصباحة=الى قامت حمامتها تغني صفقت براحة من فوق راحة=يعود ان الحمامة خير مني وانا ان كان لي بالنوح راحة=فانا ابنوح دهري ما اوني وانا مانيب مثلك بالوقاحة=على الطاروق طرب ومتهني ولا روجعت فن في براحة=على نبنوب غصن مرجهن وقالت جامع كل الشراحة=ولاانت بسامع ذا الصوت مني ومثلك يدعي زايد فصاحه=وطريح الغي لازمته يون ابات الليل في رجوا صباحه=وادق من الندم بالعود سني ولا ثوبي غدا يطرخ شلاحه=يدق القاع ردنه ومتثني عليهم صار خدي به قراحه=من الفرقى وشفني ويش كني
بالنعاثل مرني طفل يسير=ثم على درب المفيرق شفناه ثم قفى لين خلاني حسير=حسبه الله مايخاف من الاله لبسه الماهود وثياب الحرير=والمبيسم بالدجا يوضى سناه لو يجي عباس باشا ما يسير=والشريف حسين سير من وراه سائلك بالله يا طير تطير=لين عرض الحيد وقع في جباه وان مشى كنه يوطي له حصير=ومن الغوى يا طا على ردن العباة كن يزوي القلب كالوب قصير=والتمني ما نفع لو قلتناه
حمام يا للي على نبنوب=فى شيله الفن بيطاره بالله عليك انحر الرعبوب=واسجع بفن على داره وان قال وش لك من المطلوب=قل له من الولف زواره الى تبسم حسين الذوب=حص فلق عنه محاره خده كما بارق من صوب=والا كما فرغ جمارة والردف نابي يشيل الثوب=ينسف كما شد طواره
حي المنازل تحية عين=لمصافح النوم سهرانة والا تحية غريق الدين=معسر و وافاه ديانه منزل فريد البها والزين=عطبول مكحولة اعيانه ودي بنسيانها ومن اين=سلطان قلبي وشيطانه اتبع هواها من اين الى اين=واحظى بشوفه ورضوانه وابغضت الادنين والاقصين=واحببت قومه على شانه ما شفت برق سرى ما بين=ذيك الحواجب بليوانه ومجدلات على المتنين=سافات خانة على خانة والبطن والخصر والنهدين=والعنق والعين واوجانه والى دعاك الولع ياشين=دعوى المدوة لظميانه وين اشتكي ما دهاني وين=مشكاي لله سبحانه واقول ياهل الهوى عزين=ما قال محسن لعثمانه
سقى غيث الحيا مزن تهامى=على قبر بتلعات الحجاز يعط به البختري والخزامى=وترتع فيه طفلات الجوازي صلاة الله مني والسلاما=علي من فيه بالغفران فاز عفيف الجيب ماداس الملاما=ولا وقف على طرق المخازي أبو زرق على خده علاما=تحلاها كما نقش ب (غازي) عليه قلوب عشاقه تراما=تكسر مثل تكسير القراز الا يا ويل من جفنه على ما=مضى له عن لذيذ النوم جازي ومن قلبه الى هب النعاما=يجرونه على مثل الخزازي مضى بوصالها خمسة أعواما=وعشر كنهن حزاة حازي بفقدي له ووجدي والغراما=تعلمت النياحة والتعازي عذولي في هواها بالملاما=يعزيني وانا ما انا بعازي وكل البيض عقبه لو تسامى=فلا والله تسوى اليوم غاز سلينا لا حلال ولا حراما=عليهن الطلاق بلا جواز وخد هل به بدر التماما=وجعد فوق منبوز الاعجاز فلا ابي عقبها زاد ولا ما=وماجزت من الغوى والغي جاز
يا منازل مي في ذيك الحزوم=قبلة الفيحا وشرق عن سنام في سراب عن جوانبها يحوم=طافحات مثل خبز في يدام ما بكت فيها من الفرقى غيوم=من نظير العين الا عن غرام من هموم في قلوب في جسوم=في بيوت في ديار في عدام دار مي يوم مي لي تقوم=قومة الماموم من خلف الامام يوم مي تحسب الدنيا تدوم=وان عجات الصبا دوم دوام في نعيم تحسبه لزما لزوم=مثل منزلنا على (ديم الخزام) يوم هي توريك خد به وشوم=يفضح البراق في جنح الظلام كنه القنديل بالزيت مخدوم=شبته داياتها عند المنام داعجات غانجات لو تروم=كنهن في كنهن بيض النعام والهواوي من هواهن محروم=غير وصل لا حلال و لا حرام يا سنين لي مضت مثل الحلوم=كنهن في دار ابن عوام عام عل غريم الشوق يشبع منك يوم=شبعة المسكين بايام الصرام او تلمين الشمل لم الهدوم=يا ليالي السعد عودن بالتمام قالت اللي فات ماهو بمعلوم=ردته لك وانت سالم والسلام
يا منازل مي عن قبة حسن=من يسار وعن قبر طلحة يمين في ربوع كل مافيها حسن=في ديار كل مافيها حسين غربن شموسها واغلنطسن=موحشات ما يبات بها امين ساريات كنهن الى ارجسن=بالمدامع دافنات بها جنين ما دريت ان العذارى يلبسن=ثوب دال خالطه نون وسين دار مي يوم مي لي تسن=سنةالعشاق عونك يا عوين دارها يوم الازار مورسن=والخصر مشغول والسروال جين ظبية القناص في صبح ومسا=درة الغواص مشراها ثمين تسحب القيلات من فوق اطلسن=الهوى ميال ورداها خنين يوم حظي جالس له مجلسا=مهتني بوصال صافية الجبين غنجة العينين والخد الحسن=والقوام ان قام عود الياسمين كم عذلني في هواها من لسن=حاسد بالغي حلاق مهين بادرني بالملامة وجلسن=عند راسي كالخضاري له ونين عاذلاتي في هواها ويخسن=هالخبز ماهوب من ذاك العجين اطلقت يمناي ملوي الرسن=وبعدت بوصالنا غبر السنين هبت رياح الحبايب نسنسن=في ربوع كان ماتذرى الطحين ونشدني بالعنا يوم افلسن=ربما لي او عسى لي او قمين واحمد الله يوم ردن واختسن=والثنا لله رب العالمين
يا ذا الحمام اللي سجع بلحون=وشبك على عيني تبكيــها ذكـرتني عصر مضى وفنون=قبلك دروب الغي ناسيـها أهلى يلوموني ولا يدرون=والنار تحرق رجل واطيــها لا تطري الفرقى على المحزون=ما أدانى الفرقى وطاريها اربع بناجر فى يد المجمول=توه ضحي العيد شاريها انا اشهد انه كامل ومزيون=مثل البدر سنا الليل شارع فيها يا من يياصرني أنا مفتون=روحي ترى فيها الذي فيها يا من يعاوني على الغليون=والدلة الصفراء مراكيها سته بناجر وأربعه يزهون=وأن أقبلت فالنور غاشيها أبو هيا طرب يشيل فنون=ما ثمن الدنيا وطاريها
يا علي صحت بالصوت الرفيع=يا مرة لا تذبين القناع يا علي عندكم صفرا صنيع=سنها ياعلى وقم الرباع نشتري ياعلى كأنك تبيع=بالعمر مير ماظني تباع شاقني ياعلي قمرا وربيع=يوم أنا آمر و كل امري مطاع يوم أهلنا وأهل مي جميع=نازلين على جال الرفاع ضحكتى بينهم وأنا رضيع=ما سوت بكيتي يوم الوداع هم بروني وأنا عودي رفيع=ياعلي مثل ما يبرا اليراع طوعوني وأنا ما كنت اطيع=وغلبوني وأنا ظفر شجاع وجد عيني على ظبي تليع=عندكم كن فى خده شماع شيبتني وأنا توّي رضيع=جاهل توّ في سن الرضاع سايمين الهوى يا من يبيع=سايمين الهو لاهل الرفاع وانت يا لايمي جعلك تضيع=ما تماري بها مثل الشعاع ودي اسلاه والكون الفنيع=سلوتي ياعلي ما تستطاع دون مي الظبي وام الوضيع=والثعالب وتر بيع الشراع ورأس ريع دخل فى بطن ريع=مستطيل ووديــان وساع