أنا من نجد يكفيني هواها=ويبري لوعتي شربي لماها
وشوفي من نبيه ومن نوده=غزال تابع قلبي هواها
غزال ضيعت عقلي وروحي=رمت قلبي وقلبي ما رماها
لها بالروح وفوادي مودة=ولا شي من احوالي خفاها
تعرف اني لها مملوك طايع=ابيع الروح في دورة رضاها
اهيم بحبها واخفي جروحي=وقلبي ماعشق زول سواها
توقد حبها باقصى فوادي=ونار الحب يحرقني لظاها
ملكني بالهوى عذب السجايا=ولا اذكر ساعة قلبي نساها
نحيل الخصر وضاح الثنايا=نظيم الدر منظوم بفاها
فجعني بالهوى ورقا حمامة=الى غنت يذكرني غناها
يذكرني وليف غاب عني=وعيني منه جاها ما كفاها
عز واليك يا برق سرى=خلت برقه وانا ما ذقت ماه
ينبت الورد عقبه بالثرى=ان نزل وبل ديمه من سماه
ذابت الروح والجسم انبرا=من حبيب سلب عقلي هواه
اتلع الجيد والشعر اشقرا=من عظيم البها ربي كساه
هو هوى النفس من كل الورى=الله اللي من الفتنة عطاه
ان فقدته شكيت من العرى=وان وجدته تظللت بذراه
عافت العين لذات الكرى=من هوى اللي فؤادي ما نساه
من هوى اللي اليا منه طرى=رفرف القلب من زايد غلاه
باع خلي بقلبي واشترى=من خطاياه قلبي ما رفاه
افتني يا بو بندر وش ترى=منه قلبي على حامي لظاه
شاقني بارق برقه سرى=غارق ضوح برقه في طهاه
لولا الرجا واعلل القلب بوعود=بوعود خل صار شوفه شفاقة
لولاه مع عودت نفسي على الكود=وهو الوحيد اللي عشقته عشاقة
اختار قلبي بالهوى ناعم العود=ماغيره احد من المخاليق شاقه
طفل عليه من البهى ستر وعقود=زين القوام اشباه وجهه دقاقة
ياناس حبي له بلا سلم وحدود=وفراق روحي من سبايب فراقه
ان كان شفته فتح القلب بورود=وان غاب هلت دمعتي من فراقه
مدام هو موجود فالحب موجود=وسط الضماير مبهمات اغلاقه