امس الضحى عديت في راس مزموم=تومي بي الارياح شرق وشام
ما كر حرار ما يركن به البوم=كود العقاب الصيرمي والقطامي
ابكي هلي يا ناس ما نيب مليوم=واظن من يبكي هله مايلام
ما هو غلى غرو من الدق ماشوم=على الشيوخ متيهين الجهام
من طاوع الثنتين يصبر على اللوم=يصبر على فرق الاهل والعمام
هاذي مرابط خيلهم دايم الدوم=حقب العيون مروبعات الهوامي
يركب عليهن باللقا كل شغموم=من ربعي اللي ما وطوا با لملام
هذا مشب النار والحفر مثلوم=ومركا الدلال المتعبات الشوام
علمي بهم شدوا من الوادي ابو دوم=مستجنبين مطيرات العسام
تنحروا واد به العشب كيهوم=تسمن به المعزى وهدف السنام
وادنى منازلهم حشاش ولملوم=واقصى منازلهم وادي النعام
واقفوا كما طير قلب راسه الحوم=هيفية ما يندرى وين حام