ألا يا ونة ونيتها في عالي المشراف=تعليته وببحت الكنين وحلت الضيقة
ألا يا عبرتي وأدمعي اللي غادي ذراف=على حبيبي دموع العين ملاني بتدفيقه
ألا يا تل قلبي يا حبيبي نابي الارداف=خذيت القلب ياسيد العذارى من معاليقه
أنا ما ادري من اباشكي عليه دقيق الاطراف=لا جل هو صابر عني وانا للصبر ما اطيقه
تراي اسرفت في حبه وهذي غاية الاسراف=اناوح للقماري من هبالي في مشاريقه
ترى راعي الهوى ياهل الهوى له شارة تنشاف=تعرفونه ترى حاله نشاش ويابس ريقه
ترى راعي الهوى بالنقص ياصل حروة الاتلاف=ولايسلم مريض العشق الى مانال عشيقه
عسى من لامني تا طاه حذوة عجلة المحراف=نهار الكون بنت الريح تاطا في سماحيقه
ألا يابعد من يسعى والا يا بعد من يطاف=تتل القلب ياسيد العذارى من معاليقه
أنا اللي صابني من حب الحبيب الجادل الغرياف=تولاني وخلاني طريح من تعاشيقه
سلامي له عدد من كان يسعى وبيطاف=وهلا به عد ماهل المطر واحيا زماليقه
على التسعين مع خمس وثمان قالها العراف=ثلاث حساب فيض اميةيكملها بتغليقه