يا سعد حرك على (الفرت) بسكينة=لاتفوت بيوت اهل جالي عذابه
غض صوب مراحهم لين استبينه=ان لقيته فيه والا اروح ترابه
كود ينعشني نبا الغالي بحينه=دام باقي العمر ماجاه انحطابه
يا سعد قلب العنا بيح كنيته=لي ثلاث سنين معطبني صوابه
اجحده طول الليالي واستهينه=لين خلاني كما قوس الربابة
حب مجمول تواصيفه وزينه=مثل بدر ما ضفى دونه ضبابه
عود بردي تغريافه ولينه=كل ماذعذع نسيم الريح جابه
كن ضوح البرق يلمع من جبينه=ولا يبين الغيظ منه ولا الطنابة
لو نحا عني وطالت به سنينه=كل ماشفته الى سهل جنابه
جعل من لام المولع في ضنينه=ينقطع من لذة الدنيا شبابه