حمام ياللي بقيفان الطرب غني=من فوق حدب الجريد طوح اصواته
بالله ياذا الحمام ان تنتزح عنا=خل الهوى والطرب ما ذي بحزاته
ذكرتني ناقش الكفين بالحنا=سيد العماهيج خده كنه مراته
ياناس انا والغضي وش كاركم منا=خلوني ابرد غليلي من شفياته
والوي ذراعي على عنقه الى نمنا=والكف الاخر على مقرن نهيداته
ياناصر اشكي عليك الحال عاونا=بالقيل كود الغضي يرخص بجياته
ياغصن موز على الحيطان يتثنى=مااحلى مع الريح روحاته وجياته
يا الله ويا الله يا الله ويا الله=ياالله ويا الله غفار الزلة
يا عيسى باح صبري ومزاحي=من حب المجمول ظبي لاح
يا عيسى كنه من حور الجنة=زباد وخنه مسك فواح
نطحني يردي والمقطع جردي=ياكن الورد يسقي به عوده
نطحني مارق والعمر مفارق=ياكن البارق لميع خدوده
نطحني مياح عجاج الارياح=ياكن التفاح زمة نهوده
نطحني ماضي جبينه ناظي=هيا للقاضي عطني شرع الله
ياعيسى اشوفه خضب كفوفه=ياكن ردوفه نقيان الضاحي
ان جيت اخمه صيح يبي امه=لارحمت امه عيت عليه
ان جيت اشيله ملاني بنيله=ياويش الحيله في ابو خزرية