ت
تستاهل الحب نجدية=رفيعة الشان عجابة
العين يا عين بحرية=لقلوب الاحباب نهابة
والجيد يا جيدريمية=تجفل من الزول لعابة
صفيت مع صافي النية=يوم الذي صابني صابه
ما عاد لي روحة او جية=وقف هوانا على بابه
ل1
لا والذي صورك مالاقي للعيـن=غيرك ولاسوى بي أحـد سواتـك
أنت الذي حطيت بالجوف رمحين=رمح العيون ورمح وردي شفـاتك
وأنت الذي زينت ياغاية الزين=حياتي اللي نورها من حيـاتك
أحب فيك الحب ياجامع اثنين=الزين وطبوع تكمل حلاتـك
وأحب فيك العطف واللطف واللين=وأحب فيـك ارضاك عقب زعلاتك
وأحب هاك الجيد بين الجديلـين=واحب ماتخفيـه طرقة غطاتك
ياجارح المجروح لا تودع البين=يقضي علي بغيبتك وسفراتك
ل2
لاهنت ياراس الرجــاجيل لاهنت=لاهان راس فى ثرى العود مدفــون
والله ماحطك بالقبر لكن أمنت=باللي جعل دفن المسلمين مسنون
منزلك ياعز الشرف لو تمكنت=فوق النجوم اللي تعلت على الكون
سكنت دار المجد ياشيخ وأسكنت=شعبك معك فى منزل العز ممنــون
صنت العهد ياوافى العهد ماخنت=علمتهم وشلون الاشراف يوفــون
كم ظالم عاداك واعفيت واحسنت=واخلفت ظن اجموع ناس يظنـــون
شلت الامانه حافظ ما تهاونت=شفنا بك رجال على النفس يقـوون
ياللي طلبه الملك بالحب زينت=عرشك بتاج قلوب شعب يحبـون
لونت تاج الملك ما قد تلونت=ماغرتك دنياك ماصرت مفتــون
بالزهد والمعروف والصبر كونت=منهاج فيصل منهج اللي يعدلون
تلفتت روس المخاليق وين أنت=وين العظيم وعود الشوف مطعـون
كم خافق وقف عقب ما تكفنت=وكم ناظر ذوب سواداه محــزون
لو شفت حال الناس عقبك تبينت=مقدار حب الناس للي يودون
مما بقلبي قلت يابوي لاهنت=والانت فوق القول مهما يقولون
م1
ما هقيت ان البراقع يفتننني=لين شفت ظبا النفود مبرقعات
الله اكبر يا عيون ناظرتي=فاتنات ناعسات ساحرات
في هواهن يا سعد كيف طرحني=راح عمري في مودتهن فوات
كان مما صابني ما عالجني=الوكاد اني خطير بالممات
ياسعد خبرظريف الطول عني=كان وده لي بعمر في الحياة
من نظرني بس اهوجس به و اون=ما تركني هاجسي لو في مباتي
م2
من بادي الوقت هذا طبع الايام=عذبات الايام ماتمدي لياليها
حلو الليالي توارى مثل الاحلام=مخطور عني عجاج الوقت يخفيها
اسري مع الهاجس اللي ما بعد نام=واصور الماضي لنفسي واسليها
اخالف العمر اراجع سالف اعوامي=وانوخ ركاب فكري عند داعيها
تدفا على جال ضوه بارد عظامي=والما يسوق بمعاليقي ويرويها
الى صفا لك زمانك عل يا ظامي=اشرب قبل لا يحوس الطين صافيها
الوقت لو زان لك يا صاح مادام=ياسرع ما تعترض دربك بلاويها
حتى وليفك ولو هيم بك هيام=سيور الايام تجنح به عواديها
ي1
يا ضايق الصدر بالله وسع الخاطر=دنياك يا زين ما تستاهل الضيقة
الله على ما يفرج كربتك قادر=والله له الحكم في دبرة مخاليقه
حلو العيون استهانت دمعها الحادر=كف العباير حزين الدمع ما اطيقه
حسايف الحزن يغشى وجهك الطاهر=والوردفي وجنتك حرام تغريقه
يفداك قلب على ما تشتهي حاضر=يفداك باللي بقي لي من معاليقه
ما فات خله ولا تهتم من باكر=واغنم من اليوم ما ساقت توافيقه
ي2
ياشبيه صويحبي حسبي عليك=كل ما ناظرت عينك شفت ذاك
شفت لونه في خدودك والعيون=في سلامك في كلامك في حلاك
كل شي فيك يطري به علي=يا حلو بسمة حبيبي في شفاك
ما هقيت ان القمر مثله قمر=لين شفتك يا شبيه احلى ملاك
ليتهم سموك باسمه واستريح=كل ما نابيتك اغلط في نباك
الصفحة الرئيسية