صادفني بالبراقع واعجبني=وأودعن قلبي على حد الممات
صابني سهم العيون اللي رمني=يرسل سهوم المنايا بلحظات
من عيونه يذبحن لا سلهمن=بالهدب فوق المحاجر شاعقات
بالمخاطر يقتلن لا قابلني=ما حلى البرقع على ذيك المهاة
كل شمعات المودة ولعن=يوم شفته من تحت ذيك الغطاة
من نظرها صاح قلبي ضاع مني=يا خذن القلب معهن والحياة
فز قلبي للبراقع ومتمني=تلبسه كل البنات المترفات
للقلوب اللي تصادف ينهبن=يشغلن حق القلوب الخاليات
للكرامة والشهامة مثلن=يا سلام الله على باقي الصفات