البارحة ساهر والدمع يجري=والقلب حزن على فرقى حبيبه
كريم يابارق ينوض حدري=واللي سرى بالغداري يقتدي به
والى ضرب وادي خلاه يجري=عسى طروش البوادي ترتوي به
متخفي لابس له بشت بدري=حسبي على البشت واللي غرني به
يامدرج الساق حالي منك مبري=بري النجاجير عيدان صليبه
ابو قرون تغذى بالشمطري=مثل السفايف على كور النجيبه
ابو عيون الى دلت تخزري=ترمي بالاسباب ويل اللي تصيبه
ابو خديد يشادي نجم فجر=والا القمر لاانتحىيبغي مغيبه
ابو نهيد كما الفنجال زبري=ويمزع الثوب من حال غصيبه
ياليتني عالم بالغيب وادري=عن غض الانهاد من هو من نصيبه
ياليتني حايف ويقال خبري=انهب صخيف الحشا ثم اغدي به
من طاب لي طبت له والكل يدري=واللي يتغلي علينا وش نبي به
ان مت حطوا بدرب البيض قبري=تكفون حطوا على قبري نصيبه
يا من يرد الحبيب وياخذ اجري=قفا بلا سبة ربي حسيبه
ماقدر الله على المخلوق يجري=والعبد لزما ترى ياخذ نصيبه
وا قو ما صابني وا قو صبري=لعل ما صابني منه يصيبه
يا الله طلبناك مغني كل فقر=كل على قدحاله تعتني به

ألا ياعيوني ما يفيد النظر والشوف=تكافي وكفي لاتراعين ياعيوني
تكافي كفاك مكايد الجادل الغطروف=ابو  وجنة فيها اشهر الموت  مقروني
انا  اشوف شوفك واتمنى وانا مشغوف=من اللي سلب  عقلي على غير  قانوني
لحظني بعين كن فيها نمش وسيوف=وقع مابكفي واختلط وانصفق  لوني
اخذني جهار اكبر ضحى والعباد وقوف=انـــادي  بصوتي والعرب تقل ماوحوني
تبي ذبحتي ياريم  وادي سكاكا الجوف=حسيبي عليك مصـرف الخلق والكوني
تعرض غريب نازح عند ابو  رفـروف=ورى دار قاره يقنب الذيب من دونـي
الا واعذابي منك ياضامر  السرجوف=شبكني هواك وبيح الحب مكنوني
الا يازريف الطول انا ازهمك بالمـعروف=بعد عونة الله منك انا برجي العوني
دخيلك تلبي دعوة من ثلاث حروف=طرف ساعة افرح بها وانت ممنـوني
اريح ضمير بالهوى مولع مشغوف=من الله خلقني بالغنادير مفتوني

حيا   الله  اللى  يغيب  ويسرع  الرده=اللى    يجيني   الى   منه    تباطاني
قلبي   يوده   و   حالي   كنها  القده=ودي   بشوفه   ودونه   حوم  عقبــاني
يا  صاحبي  جارك الله وش ها الصــــده=مهوب    حق   تولعني   و    تنســاني
ان  كان  عندك  حكي بي خامل الســــده=فانت  المصدق  وانا  حقي وما  جـــاني
اهــرج  على  ما  تورى  والبخت  بــده=لا    تستحي   يابعد   حي    وحيــاتي
ترى   حلاة  الهوى  لا  طالت   المـــده=مهوب   يوم   صديق  ويــوم   قومــاني
وان كان ما انت بمصافيني على الشـــده=وقت   الرخا   واجد  ربعي  وخـــــلاني

ذيب يا اللي هاضني بعواه=قبلك وانا عن صاحبي سالي
من مبسم كان العسل يشفاه=مصيون ما داسوه الانذال
ساعة نطحني مد لي يمناه=قال الموادع يا بعد حالي
يا من يعاوني على بلواه=باح العزا والصبر عزا لي
يا عل عين ما بكت فرقاه=تعطى العمى في صبيها الغالي
الله ينسى اللي بعد ينساه=يا كيف ابا نسى طيب الفال
ما ادري حدر والا نصى مرباه=والا مع ابن حميد نزال

سرى  البارق  اللي  له  زمانين ما  سرى=صدوق   المخايل  بارقه  يجذب  الساري
على   فرعة   الوادي   وسيله     تحدرى=وغنت  طيور  الماء  على  حاير الجاري
مرامي    غزال   عقب   عرفـــه   تنكرى=عليه الله أكبر  كل ما  حل  له  طاري
برى  الجرح  منه  ومني الجرح ما  بــرى=وهو  يحسب  انه  يوم  طال المدى باري
نطحني   بجز   الثـــوب  حدر   المشجرى=جميل    المحاسن    لاضخيم   ولا  عاري
ابو   لبة   مثل   القمر   ضاح  واسفرى=والى   غابت  القمرا تقدى  به الساري
ترى   سلبة  العاتق  الى  صد  ما   درى=كما  سلبة  العرجون فى  صفحة  الذاري
صويب  الهـــــوى  مسكين مشيه على  ورى=ترى النقص فيه وحيله أقوى من  الضاري

ياحمامه  تغرّد  فوق غصن  الجريد=هيّضتني   وشاني   مفختٍ   شــانها
جعلها  الله  لراعي  شوزنيّ مجيد=يكسر  النايفه  من  ريش  جنحانها
الحمامه لها بالناس   كيدٍ  شديد=كل   حيٍّ   شكا  من  قوّ  شيطانها
ذكرتني هوى اللي مثل عنق الفريد=قبل     تدهكني    الأيام بثقانها
لاسقى  الله على قلبي نهارالشديد=يوم   فرقا  العيون  لشوف حيانها
كل  ماقلت طاب الجرح عوّد  جـديد=يوم    فارقت    منزلها وبلدانها
الهوى   طالبه  لامات  كنه شهيـد=والمحبه   كثير   الناس  ماصانها
منوتي  والتمني  خابره  ما يقيد=من قضب سلعته من عقب جحــــدانها
لذة  العمر  تنقص  والليالي زيد=سنة     الله   بهاليها وسلطانها
كل من جت له الدنيا على ما يريد=بدّلت    له طرابتها     بحقرانها