راقي رجم العنا طلعة الشمس=ليتني مااشرفت عالي مراقيبه
لاسقى الله اليوم وامس وقبل امس=يوم قلبي مغلقات لواليبه
طق حفل اللي حديثه لنا رمس=ليتهم بالدفع ردوا مناديبه
قالوا تمسي قلت ما ظنتي بامسي=حبكم بالقلب يقبل ويقفي به
مرصافي اللون واخلف هل الدرس=واخلف القراي واللي يصلي به
كن جلد صويحبي ناشعه ورس=والحشا ملهوف من حدر اساليبه
غصن موز ناعم مابعد لمس=ما رقاه النذل هزع نبانيبه
حمس قلبي حمس بن الى حمس=لا ذكرت اللي من الناس ودي به
راقي رجم العنا يوم عناني=يوم شرفته وكتب العنا ليه
قول من يبدع حليات الافنان=مثل نظم الدر في عضد نشمية
قايله في اللي من الناس جزاني=واودع اللي جاهل يفتكر فيه
جادل في مفرع السوق لاقاني=نور خده ساطع في الجزارية
قلت :سلم قال :انا اليوم مشتان=انت في دربك وانا ضارب نية
يحسب انه لا قتلني وخلاني=يحسب اني مالي احد ثايرفيه
يا هلي بغض العجايز تبلاني=من قديم وبغضهن واضح فيه
يارب تجعل صاحي العجز وجعان=ربي تمحاهن عن الخد موليه
والمشقا راقي يبدع فنونه=في طويل الحيد شرف مسيان
شاف من هو بالهوى باح مكنونه=ذكرت قلبي طواريه واشقاني
سيد عيني طيبه المسك يغلونه=مع زباد وعنبر وخلط ريحان
الى ايتفى هذا لقرنه يعملونه=خنته للقلب تحميه لو فاني
ياسعد وانشد هله ما يبيعونه=واشتره لو كان غالي بالاثمان
كالمطارق ياسعدـ تلة قرونه=كاسيات للراديف والامتان