جيت ابجرب وغرتني تجاريبي=جرحت يمناي جرح قلت اطبابه
عزي لمن مثلي تعرض للضواريب= مثل الشبح ما يميز وين ضرابه
لا قالوا الناس طيب قلت ما اطيب=الا ان نحدر علي طويق بهضابه
من رايح يودع الوادي شخانيب= أربع ليالي تركد فوق مضرابه
كله مدارا على حرش العراقيب= من يوم غلي العلف في بيت جلابه
اخاف اتبرك وتكثرنا الطلاليب= ويقال مهوب يوفي الحق طلابه
يفداك يا فاطري سيد الرعابيب= ما دمت حدر الكتب والغرب يومى
والى انقضى الزرع ما افدى لك باجانيب=ما ذكر حي فدى للهجن با حبابه
يا الله على الحر كسار المصاليب =اسبق من الطير توه بازغ نابه
انخاك يا فاطري سيد المراكيب =اسري ما دام القمر معنا نتقدى به
والصبح بكره على الرمحية اردي بي=وعقب العصر با لكويت مقابل بابه
وبعدين اخليك ترعين النبانيب=واروح انا بمركب بالغوص يحكى به
الى استانس النوخذة واسترسل السيب=الله اكبر يا كيف العمر يصخى به
مهوب بغض لديرتنا واصاحيب =   مار ان قلبي دبوب الهم يرعى به
اصغر جنيه سليم من العذاريب= الين من المخصرة في كف قضابه