أمس الضحى عديت راس الجذيبة=يا كثر دمع العين يوم اخذفت به
مريت مرباعه فياض عشيبه  =وما كان في عيني من الدمع جت به
عسى الحيا يسقي جوانب شعيبه=من مزنة يا حيثها وقفت به
يا علي لي خل دلوله عجيبة=مير الليالي يا اخو سارة غدت به
العين عين اللي براس الشذيبة=في ماكر عسر لها طيرت به
والعنق عنق اللي ترب الجذيبة=اقفى يخز غزيله تلتفت به
والراس عذق ميل به رطيبه =عسوه ليان والهبوب احدرت به
يا علي ما بين النواهد وجيبه=خط كما خط القلم عطف كتبه
والردف طعس نابي ما وطي به =غب المطر شمس العصير اشرقت به
والريق يشدي سكر في حليبه=من در مشعاف بليل ضوت به
يا علي حبي للعذارى مصيبة=جسمي ضعيف والمودة سطت به
يا علي صيور الليالي تجي به=الا ان غدت بي عنه والا غدت به